Свет

Трамп: Војната во Иран е поважна од цената бензинот

Глобалните цени на нафтата скокнаа за 16 отсто од почетокот на војната во саботата, бидејќи проширувањето на конфликтот го наруши снабдувањето на Блискиот Исток

Американскиот претседател Доналд Трамп изјави дека не е загрижен поради зголемувањето на цените на бензинот во Америка предизвикано од проширувањето на конфликтот во Иран.

Во ексклузивното интервју за Ројтерс, Трамп изјави дека воената операција на САД е негов приоритет.

„Не сум загрижен за тоа“, рече тој на прашањето за повисоките цени на бензинот.„Тие ќе се спуштат многу брзо кога ќе заврши сето ова, а ако се качуваат нагоре, ќе се качат“.

Трамп наајави дека воената кампања против Техеран ќе трае од 4 до 5 недели, но политичките и воените експерти се сомневаат во тоа, истакнувајќи дека американската влада допрва треба да ја артикулира својата крајна цел бидејќи конфликтот продолжува да се шири низ регионот и пошироко.

Во интервјуто, Доналд Трамп рече дека нема намера да ги користи стратешките нафтени резерви и дека е убеден дека Ормускиот теснец, критичниот канал за испорака на нафта во близина на Иран, ќе остане отворен бидејќи иранската морнарица се наоѓа на „дното на морето“.

Глобалните цени на нафтата скокнаа за 16 отсто од почетокот на војната во саботата, бидејќи проширувањето на конфликтот го наруши снабдувањето на Блискиот Исток.

Просечната цена на бензинот во САД скокна за 27 центи од минатата недела на 3,25 долари за галон.

Просечната цена во земјава во моментов е за 15 центи повисока од пред една година.

Трамп вели дека цените „не се зголемија многу“.

Тоа е промена во тонот на претседателот, кој минатиот месец се пофали со падот на цените на бензинот во неговото обраќање за состојбата на Нацијата и на енергетскиот собир во Тексас само неколку часа пред САД да ги започнат своите воздушни напади.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top