Свет

Трамп за Судот кој ги блокираше царините: Ме мразат мене или Америка

Американскиот претседател Доналд Трамп ја критикуваше пресудата на Трговскиот суд со која се утврди дека тој ги пречекорил своите овластувања со наметнувањето на најшироките царини досега, нарекувајќи ја погрешна и изразувајќи надеж дека Врховниот суд ќе ја поништи одлуката. „Одлуката на Американскиот суд за меѓународна трговија е толку погрешна и толку политичка! Се надеваме дека […]

Американскиот претседател Доналд Трамп ја критикуваше пресудата на Трговскиот суд со која се утврди дека тој ги пречекорил своите овластувања со наметнувањето на најшироките царини досега, нарекувајќи ја погрешна и изразувајќи надеж дека Врховниот суд ќе ја поништи одлуката.

„Одлуката на Американскиот суд за меѓународна трговија е толку погрешна и толку политичка! Се надеваме дека Врховниот суд БРЗО и РЕШИТЕЛНО ќе ја поништи оваа ужасна одлука што ја загрозува земјата“, напиша тој на Truth Social.

Федералниот апелационен суд привремено ги врати царините, суспендирајќи ја одлуката на Судот за меѓународна трговија.

„Американскиот суд за меѓународна трговија донесе неверојатна одлука против Соединетите Американски Држави во врска со многу потребните царини. Но, за среќа, сите 11 судии на Апелациониот суд на САД за Федералниот округ веднаш ја одложија одлуката на Њујоркшкиот суд за меѓународна трговија.

„Од каде доаѓаат тие тројца судии кои ја донесоа првата пресуда? Како можеа да предизвикаат толку голема штета на Соединетите Американски Држави? Дали е тоа само прашање на омраза кон „ТРАМП“? Која друга причина можеа да имаат?

Царините што ги воведе администрацијата на Доналд Трамп, а кои претходно оваа недела беа укинати од Трговскиот суд на САД, привремено ќе бидат вратени додека трае жалбената постапка низ судскиот систем, одлучи Сојузниот жалбен суд.

Одлуката доаѓа откако панел од тројца сојузни судии заклучи дека Трамп ги надминал своите овластувања со воведувањето на глобалните царини, повикувајќи се на закон што овозможува итни мерки во надворешнотрговската политика.

Белата куќа веднаш поднела жалба, а Апелациониот суд одобри привремено одложување на пресудата:

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top