Најмалку 25 Палестинци се убиени во израелските воздушни напади во Појасот Газа утрово, според медицински извори цитирани од палестинските медиуми, јавува Тајмс оф Израел.
Бројот на жртви не е потврден, а израелските одбранбени сили (ИДФ) сè уште не ги коментирале извештаите и велат дека ги испитуваат случаите.
Еден напад со беспилотно летало ноќеска во Деир ал-Балах во централна Газа наводно погодил шатор за раселени лица, при што загинале петмина, вклучувајќи едногодишно дете и две деца на возраст од 12 и 13 години, како и двајца возрасни.
Во друг напад во Деир ал-Балах утрово загинале пет лица, според палестинските медиуми.
Во Кан Јунис во јужна Газа, палестинските медиуми известуваат за напад во кој загинале осум лица.