Приватизација.на нафтените полиња , вчера одобри Националното собрание на Венецуела. а претходно в.д. претседателката Делси Родригез, потпиша закон со кој се одобрува приватизацијата на нафтениот сектор во земјата.
Сега спроведените измени следуваат по американскиот воен напад врз Венецуела на почетокот на јануари, при кој администрацијата на Трамп го зароби тогашниот претседател Николас Мадуро. Родригез го предложи олабавувањето откако претседателот на САД, Доналд Трамп, се закани дека американската влада ќе ја преземе контролата врз извозот на нафта од Венецуела.
Американската влада следи амбициозен план за обнова на нафтениот сектор во Венецуела. Според Вашингтон, САД имаат намера да ги администрираат продажбите на нафта „на неопределено време“, пиува Дојче веле.
Венецуела има најголеми докажани резерви на нафта во светот, но нејзиниот потенцијал далеку го надминува нејзиното вистинско производство
Со овој закон се поништува принципот на самопрогласеното социјалистичко движење кое владее со земјата повеќе од две децении од веремето на екс-претседателот на таа земја Хуго Часвез.
По „киднапирањето“ на авторитарниот лидер Николас Мадуро од страна на американската војска на почетокот на јануари, американскиот претседател Доналд Трамп повика на инвестиции во венецуелскиот нафтен сектор. Се очекува ова да им корист особено на САД.
Законот предвидува приватните компании да имаат контрола врз производството и продажбата на нафта и ќе овозможи независна арбитража на споровите.
Владата, пак, очекува овие промени да бидат гаранција за големите американски нафтени компании, кои досега не сакаа да се вратат во нестабилната земја.
Некои од тие компании ги загубија своите инвестиции кога владејачката партија на Венецуела пред две децении донесе закон во корист на државната нафтена компанија на Венецуела.
Законот последен пат беше изменет пред две децении, кога претходникот на Мадуро, Уго Чавез, воведе строга државна контрола врз нафтената индустрија, столб на неговата револуција инспирирана од социјалистите.