Украинскит власти објавија дека бројот на жртви од рускиот напад со беспилотни летала врз Киев во текот на ноќта се искачи на 24, вклучувајќи три деца.
„Спасувачите продолжуваат со деноноќно пребарување на луѓе во урната зграда во областа Дарницки“, се вели во пораката на Телеграм. Претходно беше објавено дека загинале 16 лица.
Градоначалникот на Киев, Виталиј Кличко, го прогласи денешниот ден за национален ден на жалост во спомен на жртвите од големиот руски напад врз главниот град.
Украинскиот претседател Володимир Зеленски изјави дека во нападот биле користени 1.567 беспилотни летала и 56 ракети од различни видови.
По нападот врз Киев, претседателот Володимир Зеленски изјави дека ѝ наредил на војската да подготви „можни формати на нашиот одговор“.
Украинската војска изврши голем напад со беспилотни летала врз воената и енергетската инфраструктура во неколку руски региони синоќа.
Снимките објавени на социјалните медиуми покажаа огромен пожар во рафинерија за нафта во Рјазан, а руските медиумски канали на Телеграм објавија напади на други локации, објавува The Kyiv Independent.