Двајца вработени во израелската амбасада се убиени во пукотница за време на настан во Музејот на еврејско наследство „Капитал“ во Вашингтон.
Маж и жена беа застрелани до смрт во во северозападниот дел на градот, во близина на Музејот, канцеларии на ФБИ и канцеларијата на американскиот обвинител.
Напаѓачот е идентификуван како Елијас Родригез, 30, од Чикаго, кој, според полицијата, извикал: „Слобода, Палестина“ по апсењето.
Според шефот на метрополитенската полиција, Памела А. Смит, околу 21:08 часот Локално време, полицијата доби повеќе пријави за пукање.
По пристигнувањето на местото на настанот, полицајците пронашле возрасен маж и жена – двајцата во несвест и без знаци на живот.
И покрај напорите на брзата помош и пожарникарите, двајцата починаа од повредите.
Жртвите, како што е потврдено, го напуштале настанот што се одржал во Еврејскиот музеј во Капитал.
Израелскиот амбасадор во САД, Јехиел Лајтер, рече дека жртвите биле „млад пар што требало да се верат“ – младиот човек наводно купил веренички прстен таа недела и планирал да ѝ предложи брак на девојката следната недела во Ерусалим.
За напаѓачот се вели дека бил виден како нервозно шета надвор од музејот неколку моменти пред нападот.
Потоа се приближил до група од четири лица, извадил пиштол и отворил оган.
Двајца од погодените починале на самото место.