Возач на луксузен автомобил „Порше Панамера“ бил запрен откако на радар било регистрирано дека се движи со брзина од 321 км/ч на автопатот А2 западно од Берлин.
Овој дел од автопатот има ограничување на брзината од 120 км/ч, што значи дека возачот возел 201 км/ч над дозволеното, објави „Асошиејтед прес“.
Идентитетот на возачот не е објавен. Тој е казнет со 900 евра и му е забрането да вози три месеци, соопшти полициската управа во Магдебург.
Германските автопати се познати по отсуството на ограничувања на брзината на многу делници.
Германските власти и клубовите на возачи со години се расправаат дали таквата политика треба да продолжи.
ј.