„Позитивен знак е што Русите конечно почнаа да ја разгледуваат можноста за завршување на војната“ одговори украинскио претседател Володимир Зеленски откако рускиот колега Путин го отфрли ултиматумот од лидерите на најмоќните европски земји и предложи директни мировни преговори со Украина на 15 мај во Истанбул.
Целиот свет го чекаше ова многу долго време. А првиот вистински чекор кон вистинскиот крај на која било војна е прекин на огнот.
Нема смисла да се продолжува со убивањето уште еден ден. Очекуваме Русија да потврди прекин на огнот – целосно, трајно и сигурно – почнувајќи од утре, 12 мај, и Украина е подготвена за состанок“, му одговори Володимир Зеленски на Путин.
Шефот на Кремљ предложи директни разговори со Украина во Истанбул во четврток, 15 мај, во обид да се „отстранат корените на конфликтот“ и „да се постигне враќање на долгорочен, траен мир“.