Министерот за дигитална трансформација Стефан Андоновски денеска на прес-конференција ќе го претстави новиот Национален електронски систем за управување со документи – еДМС. Претставувањето ќе се одржи во просториите на Министерството за дигитална трансформација.
При минатонеделната посета на Делчево Андоновски изврши увид во реконструкцијата на новиот Центар за услуги во Делчево и тогаш нагласи дека интересот за користење на Порталот за електронски услуги значително се зголемил – од 1000 корисници месечно, на 7.400. Тоа претставува зголемување за седум и пол пати. Министерот Андоновски посочи дека соработката со најголемите институции во државата дава значајни резултати, и покрај предизвиците како што се дигиталната писменост, обуката на институциите и нивната подготвеност за дигитализација.