Рускиот претседател Владимир Путин е подготвен да се сретне со украинскиот претседател Володимир Зеленски, но прво мора да се решат некои прашања, вклучително и дали украинскиот лидер има легитимитет да го потпише договорот, изјави денеска рускиот министер за надворешни работи Сергеј Лавров.
На прашањето на новинарите дали Путин е подготвен да се сретне со Зеленски, Лавров со одговор:
„Нашиот претседател постојано повторува дека е подготвен да се сретне, вклучително и со Зеленски“ но како што објасни „пред потпишувањето на идните договори, треба да се реши прашањето за легитимитетот на лицето што ги потпишува тие договори од украинска страна.“
Путин постојано изразува сомнежи за легитимитетот на Зеленски бидејќи неговиот мандат требаше да истече во мај 2024 година, но нови претседателски избори не се одржаа поради војната.
Киев тврди дека Зеленски е сè уште легитимен претседател.
Руските претставници велат дека се загрижени дека ако Зеленски потпише договорот, потенцијален иден украински лидер би можел да го оспори документот врз основа на тоа што мандатот на Зеленски технички истекол.