Вицепремиерот и министер за транспорт, Александар Николоски денеска присуствуваше на отпочнување на градежни активности за рехабилитација на обиколницата кај Крива Паланка.
Тој потсети дека пред извесно време се пушти во употреба и експресниот пат од Страцин до Крива Паланка кој како што рече, веќе го менува менува животот во овој дел од Македонија.
-Со рехабилитацијата на обиколницата, оние кои патуваат кон Бугарија исто така ќе можат побрзо и побезбедно да патуваат. Активно се работи на реконтрукција и проширување и на граничниот премин и има добра динамика. Очекувам за брзо време да биде завршена како би имало и поголем протокот на границата, посочи вицепремиерот и министер за транспорт.
Николоски потенцираше и дека Владата инвестира и 280 милиони денари во проекти во Општина Крива Паланка.
На настанот присуствуваа и премиерот Христијан Мицкоски и директорот на Јавното претпријатие за државни патишта, Коце Трајновски.