Свет

Моди: Индија и Јапонија ќе го обликуваат азискиот свет со стабилност, раст и просперитет

Индискиот премиер Нарендра Моди изјави дека Индија и Јапонија заедно ќе го обликуваат „азискиот свет“ за да обезбедат стабилност, економски раст и напредок.

facebook.com/narendramodi

Индискиот премиер Нарендра Моди изјави дека Индија и Јапонија заедно ќе го обликуваат „азискиот свет“ за да обезбедат стабилност, економски раст и напредок. Ова го истакна за време на посетата на Токио, чија цел е продлабочување на безбедносната соработка и привлекување нови јапонски инвестиции во Индија.

„Врската меѓу Индија и Јапонија е стратешка и заснована на разум. Водени од економски интереси, нашите заеднички цели ги претвораме во заеднички просперитет“, изјави Моди на економски форум.

Тој нагласи дека Индија е „порта“ за јапонските компании кон пазарите на глобалниот Југ.

Според извештаите во медиумите, Јапонија планира да објави инвестиции во Индија во вредност од 68 милијарди долари.

Оваа посета е дел од пошироката дипломатска турнеја на Моди, кој по Токио ќе замине за Кина, каде ќе учествува на самитот на Шангајската организација за соработка. На самитот се очекува да присуствуваат и кинескиот претседател Си Џинпинг и рускиот лидер Владимир Путин. Ова е прва посета на Моди на Кина по 2018 година

Најнови вести од: Свет

Камала Харис остана без заштита од Тајната служба

Американскиот претседател Доналд Трамп издаде наредба за укинување на заштитата од Тајната служба за поранешната потпретседателка и кандидатка за претседател од Демократската партија, Камала Харис, објавија американските медиуми.

(Фото): Турист „почасти“ слон со пиво и предизвика бес во Африка

Се верува дека слонот на кој му го дал пивото е Бупа, пријателски мажјак со карактеристично оштетен заб. Бупа бил спасен во 1989 година и однесен во резерватот Ол Џоги, познат по рехабилитација на животни.

Ништо од средба помеѓу Путин и Зеленски

Германскиот канцелар Фридрих Мерц изјави дека директни преговори меѓу Владимир Путин и Володимир Зеленски се малку веројатни, и покрај упорните напори на администрацијата на Доналд Трамп да постигне мировен договор за Украина.

„Децата во Газа се прегладнети што немаат сила ни да плачат“, велат надлежните

„Децата во Газа систематски се изгладуваат. Нивните тела буквално се исцрпуваат од глад и болести. Клиниките на „Спасете ги децата“ се преоптоварени, но пациентите честопати немаат сила ниту да плачат“, наведе Ашинг.

To top