Македонија

Македонска експлозија во Грција, македонски песни се пееле само во 4 села а сега …

Стравот е се помал, сега грчките партии зависат од нив

2 минути за читање

Во Грција се случува Македонска експлозија информираат македонски активисти во Егејска Македонија кои откриваат огромни промени за кој граѓаните на Македонија не се многу информирани.

Македонските активисти во видео што го објавува профилот Егејски Глас велат дека до пред 35 години македонски песни се пееле само во 4 села а сега македонска музика се слуша јавно во над 200 населени места во Егејскиот дел на Македонија на грчка територија.

Годинава за прв пат асоцијација на македонски организации јавно ги предупреди грчките власти да го спречи притисокот кој се случува од страна на радикални грчки организации против собирите на Македонците во овој дел на Грција.

Македонците во Грција ја разбираат моќта што ја имаат на локалната политичка сцена каде што од нив зависи изборот на локални и национални политички претставници и веќе не се плашат да кажат дека секој притисок врз Македонците ќе има директно влијание на партиите на следните избори.

Во последниве години таканаречените панаѓури или собири на Македонците каде се слуша македонска песна и се играат македонски ора се случуваат и во села каде до пред десетина години поради страв од одмазда од грчката држава не можеше да се замисли такво нешто.

Изјавите на македонските активисти на линкот

https://www.facebook.com/share/v/18mB2Qdn4A/

Какви песни меѓу другите се пеат на соборите на Македонците во Грција може да свири од следниот текст и видео

Егејки мајки

Душа за ништо не се продава
крвта со вода не се менува.
Господ ни дарил долги корени,
признајте еднаш: не сме Елини
признајте еднаш: сме Македонци.

Егејки мајки нè родија,
тие со Егеј нè задоија.
Мајчинска клетва ни оставија,
клетва за нашата Македонија.

Тие што тешки маки тргале,
својата судба ја проколнале.
Само што пеат песни нашински,
само што мислат на македонски.

Егејки мајки нè родија,
тие со Егеј нè задоија.
Мајчинска клетва ни оставија,
клетва за нашата Македонија.

Зошто пред Бога да се мразиме,
верата иста да ја газиме?
Пред него зошто да сме душмани,
признајте еднаш: не сме Елини,
признајте еднаш сме Македонци.

Егејки мајки нè родија,
тие со Егеј нè задоија.
Мајчинска клетва ни оставија,
клетва за нашата Македонија.

Поврзани теми:

топ|македонци|Егејска Македонија

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top