Магацини и неколку производствени погони на фабриката за слатки „Макпрогрес“ во Виница попладнево ги зафати пожар, во чие гасење на Територијалната противпожарна единица во градот им дојдоа на помош колегите од Кочани, а побарана е поддршка и од Штип и од Македонска Каменица.
„Денес, во 18:40 часот, во Центарот за управување со кризи преку бројот Е-112 е добиена пријава за пожар во фабриката за кандирани производи и вафли „Винчини“ во Виница. Пожарот избувнал во магацините и во производствените погони 6, 7 и 8 на фабриката. На терен веднаш излегле екипите на ТППЕ Виница со неколку противпожарни возила и пожарникари“, соопштија од ЦУК.
„Макпрогрес“ е производител на познатиот бренд „Винчини“.