Македонија

Тошковски: 23 нови мотоцикли и опрема за сообраќајната полиција

Министерот за внатрешни работи Панче Тошковски и претседателот на Републичкиот совет за безбедност на сообраќајот на патиштата (РСБСП), Горан Ангеловски, денес присуствуваа на примопредавање на опрема од РСБСП за МВР.

1 минута за читање
facebook.com/PancheToshkovski

Министерот за внатрешни работи Панче Тошковски и претседателот на Републичкиот совет за безбедност на сообраќајот на патиштата (РСБСП), Горан Ангеловски, денес присуствуваа на примопредавање на опрема од РСБСП за МВР. Донираната опрема вклучува 23 мотоцикли „Piggio“ со зафатнина од 310 cm³, во полициска изведба, и 23 комплети возачка опрема, составена од одела, кациги, ракавици и чизми.

„Овој настан ја нагласува успешната соработка меѓу МВР и РСБСП, која придонесува за зголемување на безбедноста на патиштата. Заедничкиот ангажман и координацијата меѓу институциите даваат конкретни резултати за граѓаните“, изјави министерот Тошковски.

„Како дел од активностите за модернизација и унапредување на сообраќајната безбедност, РСБСП обезбеди 23 мотоцикли и комплетна возачка опрема во вредност од 11.950.027 денари. Оваа донација значително ги зајакнува капацитетите на МВР за контрола и регулирање на сообраќајот, потврдувајќи ја важноста на меѓуинституционалната соработка“, нагласи Ангеловски.

Тошковски и Ангеловски се согласија дека соработката меѓу МВР и РСБСП ќе продолжи на високо професионално ниво, со заеднички приоритет – унапредување на безбедноста во сообраќајот.

Поврзани теми:

Панче Тошковски|мвр|Мотоцикли|РСБСП

Повеќе на оваа тема:

Најнови вести од: Македонија

Мицкоски: По жестоките и рафални критики кон Англија опозицијата сега ова го прави и кон САД! Очекувам набргу многу добри вести за граѓаните!

Ќе ве потсетам, не толку одамна, кога беа наметнати трговските тарифи од 35 проценти, истите тие опозициски перјаници, кои јас ги нареков талог на општеството во политиката, поитаа да го навредуваат нашиот стратешки партнер САД, а никаде ги немаше да се извинат кога се нивелира таа ставка на 15 проценти. Во оваа смисла јас би бил внимателен и трпелив и набргу очекувам многу добри вести за македонските граѓани – изјави премиерот Мицкоски.

Учениците се враќаат на настава на 20 јануари – надлежните со апел да нема отсуства

Министерката министерката за образование и наука апелира до родителите и до учениците да бидат редовни во училиштата и што е можно поретко да отсуствуваат, зашто, како што додаде, сите испитувања и во земјава и во светот покажуваат дека оние што редовно ја посетуваат наставата постигнуваат подобри резултати.

Важни вести за Македонија од Брисел: „Политико“ јавува за „планот за двостепена ЕУ“ и „отежнување на правото да се користи ветото“!

„ Новите предлози ќе понудат можност да се стане членка на ЕУ, но ќе се ограничат некои права за донесување одлуки – а можните членки се поделени. Земјите што чекаа со години да се приклучат кон ЕУ се поделени околу плановите, што се изготвуваат во Брисел, за да им се дозволи да станат членки без вообичаеното полноправно право на глас. Меѓу малкуте земји во Источна Европа и Западен Балкан, кои се во ред за пристапување кон блокот, се појавува поделба околу условите поврзани со нивните апликации. Некои инсистираат дека треба да ги добијат сите придобивки од блокот, додека други се среќни само што се на масата.“ – објави денес аналитичкиот магазин за европски прашања „Политико“ од Брисел за моментните расправи, кои се водат во Брисел за планот за „двостепена ЕУ“, што може да има соодветно значење за евроинтеграцијата на Македонија.
Сите вести од Македонија

Најнови вести

To top