ВМРО-ДПМНЕ остро ја критикуваше кандидатката за градоначалник на Скопје од СДСМ, Каја Шукова, обвинувајќи ја за празни ветувања во врска со еколошките проблеми, особено за депонијата Вардариште.
– СДС, Заев и Шукова уште пред 7 години ветуваа здрава животна средина и чист воздух. Заев урлаше од Аеродром и ветуваше чист воздух, а имаа можност и не направија ништо, велат од ВМРО-ДПМНЕ.
Тие потсетуваат дека Шукова, како поранешна министерка и долгогодишен државен секретар во Министерството за животна средина, „20 години не направи ништо за Вардариште и сега повторно го користи како тема во кампањата“. Според партијата, за време на владеењето на СДСМ биле укинати чуварските служби на Вардариште и Дрисла, што ја влошило состојбата.
– Шукова да не ја потценува интелигенцијата на народот. Граѓаните знаат дека резултатите се нула, а токму во време на СДС беа тргнати чуварските служби од Вардариште и Дрисла, со што дополнително се влоши ситуацијата, додаваат од ВМРО-ДПМНЕ.
Партијата нагласува дека граѓаните на Скопје заслужуваат конкретни проекти и резултати, а не популизам.
– ВМРО-ДПМНЕ и Орце Ѓорѓиевски нудат вистински решенија, проекти и посветеност за поздрава животна средина, порачаа од партијата