Македонија

ИЈЗ: Нема загадување со тешки метали на почвата во Трубарево

Денес, на 16 септември 2025 година, ИЈЗ ги заврши анализите на примероците за присуство на тешки метали во почвата и испитувањата за радиоактивност во водата.

2 минути за читање

Институтот за јавно здравје (ИЈЗ) спроведе вонредно испитување во засегнатото подрачје, при што во неделата, на 14 септември 2025 година, професионален експертски тим зеде примероци од вода, почва и воздух за анализа на радиоактивност, како и мостри за испитување на присуство на тешки метали во почвата и водата.

Вчера, на 15 септември 2025 година, ИЈЗ објави дека врз основа на извршените анализи, во земените примероци не е утврдено присуство на радиоактивност во воздухот и почвата, ниту пак присуство на тешки метали во водата.

Денес, на 16 септември 2025 година, ИЈЗ ги заврши анализите на примероците за присуство на тешки метали во почвата и испитувањата за радиоактивност во водата. Според добиените резултати, ИЈЗ известува за следново:

Земени се мостри од повеќе локации во засегнатото подрачје за анализа на тешки метали во почвата, вклучувајќи ги: олово (Pb), кадмиум (Cd), арсен (As), никел (Ni), жива (Hg), хром (Cr), бакар (Cu), цинк (Zn), калај (Sn), бариум (Ba), берилиум (Be), кобалт (Co), ванадиум (V), талиум (Tl), молибден (Mo) и антимон (Sb).

По деталната анализа на сите примероци, утврдено е дека нема отстапувања од референтните вредности за ниту еден од 16-те испитувани тешки метали (Pb, Cd, As, Ni, Hg, Cr, Cu, Zn, Sn, Ba, Be, Co, V, Tl, Mo, Sb). Забележано е благо зголемување на нивоата на бакар (Cu) и цинк (Zn) само на една локација, во површинскиот слој каде што гореле литиумски батерии, што е во рамките на очекуваните резултати. На сите други локации, вредностите на испитуваните тешки метали се во согласност со референтните стандарди.

Дополнително, анализите на примероците од вода за радиоактивност, завршени денес, покажаа дека нема присуство на радиоактивност во водата.

ИЈЗ успеа во најкраток можен рок да ги спроведе сите потребни анализи. Овие испитувања ќе бидат повторени во согласност со утврдените протоколи во предвидениот период. Институтот продолжува да соработува со Министерството за здравство и другите надлежни институции, а јавноста ќе биде навремено информирана за сите идни активности и резултати.

Поврзани теми:

избор|ИЈЗ|загадување|Трубарево|почва

Повеќе на оваа тема:

Најнови вести од: Македонија

„Лајм“: Нов удар за Националната алијанса за интеграција и ДУИ во Чаир – ги напушти кандидатот за советник Енис Фазли, кој прејде во Вреди!

Од коалицијата Вреди им порачаа и на „другите, кои се на погрешната страна“, во опозициската коалиција Национална алијанса за интеграција на ДУИ и Али Ахмети, да го следат примерот на Енис Фазли и да дојдат и тие во Вреди.

Меџити: Нема индикации за предвремени парламентарни избори, но може да има реформатирање на владата, ако победам на локалните избори во Чаир

„Во овој момент насоченоста е само на локалните избори.“ – нагласува вицепремиерот и кандидат за градоначалник на Чаир од коалицијата Вреди Изет Меџити.

(Фото): Скопје со ѕвездено небо се сети на жртвите од Кочани

Шест месеци без правда за Кочани, беше главната порака што стотици скопјани ја испратија од плоштадот за трагедијата во дискотеката „Пулс,“ каде што 62 млади луѓе загинаа, а над 200 беа повредени. Со светлина од мобилни телефони на собир направија „Ѕвездено небо“ за загинатите во пожарот.

Муртезани: „Вклучувањето на С.Македонија во Механизмот за владеење на правото е силна потврда за нејзината европерспектива и признание за нејзиниот напредок“

Министерот за европски прашања Орхан Муртезани потсети на неодамнешното обраќање на претседателката на Европската комисија во Стразбур дека Европската Унија нема да биде целосна без Западниот Балкан и оти проширувањето е стратегиски интерес на цела Европа.

ВМРО ДПМНЕ: Доста со фабрикуваните кризи и сценарија на Арсовска-ДУИ-Левица, штетни за скопјани! Имаме план за решавање на проблемот со депониите!

„Скопје и скопјани не смеат да бидат заложници на хаосот, што го создаваат Данела Арсовска и спрегата СДС-ДУИ-Левица.“ – порачува ВМРО ДПМНЕ.

Колку навистина е загаден воздухот во Трубарево по пожарот?!

Силна миризба која пробива низ заштитните маски се уште има низ празните улици низ Трубарево. Дел од жителите побарале прибежште и чист воздух на друго место. Оние ретките, кои останаа таму, поделени – за едните мирисот најмногу се чувстувал утрово, а другите велат дека се навикнати и веќе не го чувстуваат мирисот.
Сите вести од Македонија

Најнови вести

To top