Македонија

ВМРО ДПМНЕ: „Чесната и скромна“ Мојсоска од Левица за само два месеци зела 162 илјади денари од партиската каса!

ВМРО-ДПМНЕ посочува дека Јована Мојсоска не е изолиран случај и оти целото раководство на президиумот на Левица посегнало по партиски пари.

1 минута за читање

ВМРО-ДПМНЕ ги обвини Јована Мојсоска, пратеничката од Левица и кандидат за градоначалник на општина Струга, и целото раководство на нејзината партија за, како што се наведува, лицемерие и прикриено користење партиски пари, спротивно на јавната претстава, што ја градат за нив. 

Од ВМРО-ДПМНЕ посочуваат дека додека Мојсоска и Левица јавно се претставуваат како „чесни, скромни и неподмитливи“, а зад затворени врати инкасираат значителни суми на пари од партиската каса. „Тие се целосно разобличени и демаскирани“, се наведува во денешното соопштение на партијата.

ВМРО-ДПМНЕ се повикува на информација од „свиркачи“ од Левица, во која се тврди дека Мојсоска на 26 април 2024 година зела 123.000 денари, а на 3 февруари 2023 година – 96.862 денари. Дополнително, во јуни и јули годинава, во три наврати, таа зела по 54.000 денари.

Од ВМРО-ДПМНЕ тврдат дека Мојсоска не е изолиран случај и оти целото раководство на президиумот на Левица посегнало по партиски пари. „Нели е лицемерно од една страна да глумите некакви аскети, а од друга страна да ја цедите својата политичка партија?“ – прашуваат од ВМРО-ДПМНЕ.

Нетпрес

Поврзани теми:

Левица|пари|Јована Мојсоска|ВМРО-ДПМНЕ

Повеќе на оваа тема:

Најнови вести од: Македонија

Само вчера фатени уште 11 лица, кои возеле без возачка дозвола! – Возилата им се одземени!

Некои воопшто немале дозволи, некои имале активна забрана на дозволите, а двајца од нив се малолетници, кои возеле без возачка дозвола. По целосно документирање на настаните, против лицата ќе бидат поднесени соодветни пријави.

Уште еден протестант се извини на „цела Влада“, на „цела Македонија“: Не знаев што зборувам од стрес, згрешив!

На протестите против проектот „Безбеден град“ неколку граѓани јавно упатуваа закани за физичко насилство и убиства. Сега тие еден по еден во последниве неколку дена во свои снимени видеа „се извинуваат на владата, на министрите, на државата и на целата јавност“. Тие „објаснуваат“ дека во тие моменти „се наоѓале во стрес, во афект, нервоза и страв“. А сега пре целата јавност „изразуваат каење за своите постапки“ и на сите „им упатуваат извинување“!

Мнозинството синдикални организации во УПОЗ го прифаќаат договорот со Владата на Македонија за зголемување на платите

За 95 проценти од досега изјаснетите синдикални организации на УПОЗ, прифатлив е договорот со Владата зголемување на платите за 40 проценти, информираат од УПОЗ.

Во пресрет на Милано Кортина 2026, “Самсунг Куќата“(Samsung House) официјално отворена во срцето на Милано

Во срцето на Милано, “Самсунг“ (Samsung), Светски Олимписки и Параолимписки Партнер, официјално отвори “Самсунг Куќа“ (“Samsung House”) во историската палата Сербелони (Palazzo Serbelloni)1 – нов центар за спортистите, медиумите и партнерите во текот на Зимските Олимписки и Параолимписки Игри Милано Кортина 2026.

Полицајци, наставничка и пожарникар осомничени за примање поткуп при издавање лични документи

Двајца полицајци, една професорка и еден пожарникар се под кривична истрага затоа што за пари овозможувале граѓаните побрзо да извадат пасош, лична карта и возачка дозвола. Полицаецот од Интервентна полиција го поттикнувал колегата, кој фотографирал и примал барања за лични документи да ги прими граѓаните преку ред, со што се создал паралелен неформален начин на вадење документи за кој примале одреден паричен надомест. Сите ќе се гонат кривично за злоупотреба на службена положба, примање поткуп и примање награда за противзаконито влијание.

Минчев: Заев и Филипче ја окупираа СДСМ и ја водат во политичка пропаст!

„СДСМ денес е окупирана партија од актуелното раководство, поточно од двоецот Заев – Филипче, кои се водат исклучиво од лични интереси. Сѐ додека ова раководство е на чело на партијата, СДСМ не оди кон обнова, туку кон политичка пропаст. СДСМ ќе оди во пропаст се додека не се расчисти со нив.“ – вели во интервју за неделникот „Фокус“, генералниот секретар на Движењето ЗНАМ – За наша Македонија, Горан Минчев. Тој нагласува дека „ваквата оценка ја изнесува со политичка одговорност и со жалење, имајќи ја предвид историската улога што СДСМ ја имал во државата“.
Сите вести од Македонија

Најнови вести

To top