Премиерот Христијан Мицкоски, објави дека е постигнато решение за исплата на неисплатените пет месечни плати за вработените во Инспекторатот за употреба на јазиците.
За време на средбата со вицепремиерот Изет Меџити и директорот на Инспекторатот, Арсим Идризи, беше разгледана финансиската состојба на вработените и можностите за решавање на ситуацијата.
Премиерот најави дека Инспекторатот ќе биде префрлен во надлежност на Министерството за правда, со цел институционална функционалност и реализација на плаќањата.
Законските измени, кои се очекува да бидат одобрени во Собранието, ќе овозможат исплата на неисплатени плати. Мицкоски ја истакна важноста на меѓупартиската соработка во избегнувањето на блокади и обиди за политичка злоупотреба.
На крајот од средбата, премиерот најави формирање на работна група за конечно реорганизација на Инспекторатот и дефинирање на неговите надлежности.