Македонија

Ибрахими до Ахмети и ДУИ: Вие сте алчни, со болни амбиции за моќ и пари, ги уништувате стремежите на албанскиот народ за еднаквост и правда!

Орхан Ибрахими, поранешниот пратеник од редовите на ДПА во Собранието на Македонија, сега основач и еден од тројцата членови на Управниот совет на политичкото движење „Арберија“, кое ѝ се приклучи неодамна на коалицијата Вреди, во својот жесток напад кон ДУИ вели дека таа и не е партија, туку „параполитички субјект“, кој “парадира од 2002 година и сега во секој изборен циклус со чудни коалиции и со анахрони агенди“!

„Уште од своето основање ДУИ, која е параполитички субјект, во своите високи кадровски структури вклучуваше личности со антинационално и античовечко минато, кадри кои тешко му наштетија на националното ткиво на албанскиот народ.“ – со ова жестоко обвинување кон Али Ахмети и неговите сопартијци се огласи Орхан Ибрахими во својата колумна со наслов „ДУИ и нејзината политичка неморалност“, која ја објави весникот на албански јазик „Лајм“. 

Натаму, покрај другото, Ибрахими во колумната наведува „Од 2002 година во секој изборен циклус ДУИ парадираше со чудни коалиции, со анахрони агенди, напаѓајќи и негувајќи неморал, предавство, кражба, братоубиство и нелојалност на политичката сцена внатре во албанскиот политички корпус.“

„Не мачете се да ни кажувате кои сте, ние ве познаваме подобро од кој било друг. Вие сте уништувачи на сè што е свето. Вие сте алчни, со болни амбиции за моќ и пари. И, пред сè, вие сте уништувачи на стремежите на албанскиот народ за слобода, еднаквост, правда, демократија и благосостојба!“

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top