Правата на Македонците во Бугарија беа една од темите на заседанието на Парламентарното Собрание на Советот на Европа, кое се одвива денеска во Стразбур.
Правата на македонско малцинство во Бугарија е меѓу точките за кои се зборува во рамки на точката за затварање на пост-мониторинг дијалогот на Парламентарното Собрание на Советот на Европа.
Одбивањето на Бугарија да ги регистрира македонските партии и организации се меѓу аргументите зошто Бугарија по 25 години од воспоставувањето на мониторинг механизмот се уште не заслужува да биде без мониторинг.
Во дебатата на Парламентарното Собрание пратеничката од македонското Собрание Марија Петрушевска од ВМРО-ДПМНЕ посочи дека Бугарија се уште не ги почитува сите принципи на Советот на Европа особено во делот на малцинските права.
Иако ко-репортерот на Собранието посочи дека Бугарија се уште се соочува со низа проблеми со мнозинство гласови од присутните беше изгласан крај на пост мониторингот врз Бугарија со обврска на Софија да работи со своите соседи институции на на надминување на проблемите кои се уште постојат.
Собранието ги собира пратениците од 46-те земји-членки на Советот на Европа и ја одржува својата есенска пленарна сесија во Стразбур која се одржува од 29 септември до 3 октомври 2025 година.
Во расправата впечатлив настап имаше пратеничката Марија Петрушевска кој го цитираше македонскиот великан – на овој ЛИНК