Свет

Конференцијата за обнова на Газа ќе се одржи во Велика Британија

Велика Британија ќе биде домаќин на меѓународна конференција посветена на иднината на Појасот Газа

Велика Британија ќе биде домаќин на меѓународна конференција посветена на иднината на Појасот Газа, ќе објави премиерот Кир Стармер за време на посетата на Египет, каде што присуствува на потпишувањето на мировниот план, соопшти британската Влада.

Стармер ќе ја претстави водечката улога на Британија во следната фаза на мировниот план под покровителство на САД. Конференцијата, која ќе трае неколку дена, ќе биде насочена кон закрепнување и обнова на Газа, како и кон поддршка на реформите на Палестинската самоуправа за олеснување на процесот.

Меѓу учесниците се очекуваат Германија, Италија, Саудиска Арабија, Јордан, Палестинската самоуправа и претставници на меѓународни финансиски институции, како Европската банка за обнова и развој и Светската банка.

Датумот на конференцијата сè уште не е утврден.

Германија претходно најави дека со Египет ќе организира сличен собир. Германскиот министер за надворешни работи Јохан Вадефул нагласи дека на конференцијата мора да присуствуваат Израел и САД, додавајќи дека Германија ќе обезбеди хуманитарна помош и ќе поддржи воспоставување административни структури во Газа.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top