Македонија

Започнува реконструкцијата на Универзална сала: Клуч на рака до 2027

Министерството за култура и туризам соопшти дека е финализирана постапката за избор на изведувач за реконструкција на објектот на Универзална сала во Скопје.

Министерството за култура и туризам соопшти дека е финализирана постапката за избор на изведувач за реконструкција на објектот на Универзална сала во Скопје. Денес е донесена одлука за избор на најповолен понудувач во рамките на јавната набавка за „Изведба на градежни и градежно-занаетчиски работи и уредување на ентериерот на објектот Универзална сала во Скопје – по принципот Клуч на рака“.

„По завршување на законските рокови за доделување на договорот ќе биде потпишан договорот за изведба, а по исполнување на сите потребни предуслови за почеток на градба и воведување на изведувачот во работа, ќе следи официјалното започнување на градежните активности.

Рокот за реализација на проектот е предвиден до декември 2027 година. Набавката се реализира по принципот Клуч на рака, што значи дека во предвидениот рок објектот ќе биде целосно изграден, уреден и подготвен за користење, односно за одржување на концерти, настани и други културни содржини“, велат од Министерството.

Министерството потсетува дека по преземањето на Универзална сала од Град Скопје, особено по пожарот што го зафати објектот, беа преземени повеќе активности за успешна реализација на проектот за реконструкција. Како дел од овие напори, Министерството подготви нова проектна документација на ниво на основен проект, со измени и дополнувања на постојната документација преземена од Град Скопје.

„Овој проект беше претставен пред македонската јавност, а со неговата реализација ќе се зачува споменот и колективната меморија за објектот, а воедно ќе му се даде и нов, современ и повеќенаменски карактер“, велат од Министерството за култура и туризам.

Според соопштението, обновената Универзална сала ќе биде дел од манифестацијата „Скопје – Европска престолнина на културата 2028“, заедно со другите културни објекти во градот.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top