Македонија

Касами и Реџепи во втор круг за градоначалник на Тетово

Кандидатот на ВРЕДИ освоил 45,64 , а кандидатот на НАИ 36,63 отсто гласови од вкупниот број избирачи кои излегле на гласање

1 минута за читање

 

Актуелниот градоначалник на Тетово, Билал Касами од ВРЕДИ и кандидатот на „Националната алијанса за интеграција“ (НАИ), предводена од ДУИ, Бајрам Реџепи, ќе се соочат на 2-ри ноември во вториот круг од изборите за градоначалник.

Според 100 отсто обработени податоци, Државната изборна комисија (ДИК) објави дека кандидатот на ВРЕДИ освоил 45,64 отсто гласови од вкупниот број избирачи кои гласале, или вкупно 19 028 гласа.

Второпласиран е кандидатот на коалицијата НАИ, Бајрам Реџепи, кој освоил 36,63 отсто гласови од вкупниот број избирачи кои гласале, односно за него гласале 15 272 гласа.

Кандидатката на Левица за градоначалничка на Тетово, Катка Божиновска, освои 7,91 процент од гласовите, односно 3 298 гласа, а кандидатот на ВМРО – Народна партија, Стевица Сркоски, 3,90 отсто од гласовите, или  1 625 гласа.

Кандидатот на коалицијата „Искуство за успех“, Самка Ибраимовски, освои 253 гласа, а на Демократи Скопје, Изет Зејнеловиќ, 0,28 отсто од гласовите, односно 115 гласа.

Поврзани теми:

избор|Касами|градоначалник|тетово|втор круг|реџепи

Повеќе на оваа тема:

Најнови вести од: Македонија

Кој и зошто му го хакирал мејлот на главниот државен ревизор Максим Ацевски?!

Хакиран бил мејлот на главниот државен ревизор м-р Максим Ацевски, соопшти Државниот завод за ревизија. Можеби е некакво совпаѓање, но Ацевски само еден ден претходно, на 30 јули во интервју за ТВ 24 изнесе дека гостиварското јавно претпријатие „Водовод“ уште од 2007 година работи неодговорно и неефикасно, а неговата сметка во континуитет е блокирана.

Мицкоски за враќањето на пасошот на обвинетиот Марковски: Обвинител во Вишото обвинителство грубо манипулирал, соучесник е во ова, ќе има истрага!

Премиерот Христијан Мицкоски вели дека го следи случајот со враќањето на пасошот на Борче Марковски, обвинет за злоупотреби од страна на Основниот суд во Струга, и посочи дека во него, како што истакна, „има груба манипулација од локален јавен обвинител во Вишото јавно обвинителство, кој е соучесник во овој процес“.

Армијата на Република Македонија доби 53 нови офицери, Мисајловски им порача: Ќе бидете чувари на мирот, стабилноста и безбедноста

Армијата на Република Македонија денеска доби 53 нови офицери на свечената промоција што се одржа на Воената академија „Генерал Михаило Апостолски“. Промовирани беа 36 питомци од 26. класа, 16 слушатели од Курсот за стручно оспособување и усовршување на офицери за службите на Армијата, како и еден питомец, кој дипломирал на престижната Воена академија Вест Поинт во Соединетите Американски Држави.

Јачева- Улчар: Зад посебноста на македонскиот јазик стојат чувствата на македонскиот народ, но и аргументите на европската наука уште пред 120 години!

„Историјата на македонскиот јазик не ја испишувале само Македонците. Во неа своја трага оставиле и некои од најголемите европски лингвисти на своето време. Кога денес зборуваме за македонскиот јазик не смееме да заборавиме дека зад неговата посебност не стојат само чувствата на еден народ. Стојат и научни аргументи изградени многу пред создавањето на современите држави на Балканот. Историјата на македонскиот јазик не треба да се брани со пароли, туку со документи и факти, кои сведочат дека уште пред повеќе од еден век најугледните европски лингвисти го препознале она што денес некои сѐ уште се обидуваат да го негираат.“ – нагласува д-р Елка Јачева – Улчар, професорка во Институтот за македонски јазик „Крсте Мисирков“, во својата објава на фејсбук со наслов „За посебноста на македонскиот јазик“.
Сите вести од Македонија

Најнови вести

To top