Војната меѓу Израел и Иран ќе има влијание врз цената на нафтата во Македонија, смета првиот човек на Македонскиот енергетски совет, Марко Бислимовски, но не очекува влијание врз цените на другите производи.
По синоќешните напади на Израел врз Иран, тој истакна дека утрово цената на нафтата на светските берзи се зголемила за околу десет долари. Зголемувањето, според Бислимовски, е шест до седум долари.
„Апсолутно ќе има влијание, да видиме како ќе се одрази во наредните денови. За следната недела не верувам дека ќе има некакво драстично влијание кога ќе ја донесеме одлуката, но тоа ќе продолжи само ако продолжи овој тренд на високи цени на нафтата. Апсолутно ќе има влијание врз цената што ќе ја плаќаат корисниците во Македонија“, рече Бислимовски денес.