Македонија

Поднесени 16 приговори за вториот круг локални избори

Рокот за поднесување на приговори завршува денеска во 16:30 часот односно 48 часа по објавувањето на првичните резултати од изборите

2 минути за читање

До денеска претпладне до Државната изборна комисија (ДИК) се поднесени 16 приговори за постапката за сумирање и утврдување на резултатите од вториот круг од локалните избори, што се одржа во неделата на 2 ноември.

Приговори поднеле Хаким Рамадани поддржан од ВРЕДИ за постапката за сумирање и утврдување на резултатите во осум избирачки места (2034, 2033, 2032, 2035, 2034, 2033, 2032, 2035) во Брвеница. Во оваа општина во вториот круг од изборите победи Јовица Илиевски поддржан од ВМРО-ДПМНЕ и коалицијата со 4.374 гласа, додека Рамадани освои 4.224 гласа.

Коалицијата „Твоја Македонија“ поднела десет приговори за избирачките места ( 2956, 2971/1, 2973, 2959/1, 2955, 2956/1, 2959, 2961/1, 2961, 2971) во Шуто Оризари, а три приговори во врска со гласањето на гласачките места 2966, 2962 и 2961 во оваа општина биле поднесени и од Сојузот на Ромите.

Во оваа општина во вториот круг од изборите победи Курто Дудуш од Унијата на Ромите со 3.894 гласови, а Ерџан Демир поддржан од Коалицијата предводена од ВМРО-ДПМНЕ освои 3.406 гласа.

Коалицијата „Искуство за успех“ која го поддржуваше Стевчо Јакимовски за гласањето во Карпош поднела приговори за сумирање и утврдување на резултатите за две избирачки места (2631 и 2613).

Во Карпош победи кандидатот поддржан од ВМРО-ДПМНЕ и коалицијата Сотир Лукровски со 13.512 гласови, додека Јакимовски освои 12.378 гласови.

Рокот за поднесување на приговори завршува денеска во 16:30 часот односно 48 часа по објавувањето на првичните резултати од изборите.

Според информациите од ДИК, седница за одлучување за приговорите најверојатно ќе се одржи утре.

Поврзани теми:

приговори|актуелно|избори|локални|ДИК

Повеќе на оваа тема:

Најнови вести од: Македонија

Уапсени 13 возачи за безобѕирно управување возило, ќе уследат соодветни кривични пријави

Во текот на изминатото деноноќие, полициски службеници на територијата на целата држава лишиле од слобода 13 возачи поради безобѕирно управување со возило. Како што соопшти Министерство за внатрешни работи, тројца од нив предизвикале сообраќајни незгоди, 12 управувале возила без возачка дозвола, а еден возел под дејство на алкохол.

Мицкоски: Како Влада сме за тоа да имаме редовни парламентарни избори, кои ќе се одржат пролетта 2028 година

Коалицијата меѓу ВМРО-ДПМНЕ, политичката партија Вреди и ЗНАМ функционира искулучително добро. Тоа го докажуваат и граѓаните на избори. Ние како Влада сакаме следните избори да бидат редовни и да се одржат во 2028 година, но како партија и Влада сме подготвени во секое време да има избори и на тие избори да победиме, рече премиерот Христијан Мицкоски одговарајќи на новинарско прашање по увидот на реконструираниот дел од ГОБ „8 Септември“.

Министерката Јаневска најавува законски измени, со кои ќе се казнува родителот на дете со насилно однесување

По инцидентот во основното училиште во Општина Гази Баба, каде што малолетник беше прободен со нож од врсник, министерката за образование, Весна Јаневска побара законски измени за казнување на родителите на децата кои вршат насилство во училиштата. Таа апелираше родителите да покажат поголема грижа кон своите деца, нагласувајќи дека агресивноста не се создава во училиштето, туку децата ја носат однадвор. Јаневска најави враќање на одделенските наставници-воспитувачи и лиценцирање на училишните психолози за поблиска работа со учениците, родителите и наставниците.

Мицкоски: Владата подготвува мерки за ограничување на брзите кредити, по законот за игри на среќа

Премиерот Христијан Мицкоски најави дека Владата подготвува мерки и за ограничување на брзите кредити, откако претходно беше утврден новиот Предлог-закон за игрите на среќа и забавните игри. Тој рече дека, според анализите на Владата, токму долговите се една од причините поради кои граѓаните ја напуштаат државата. Мицкоски истакна дека „како по правило“ речиси до секоја обложувалница, или казино се отвораат и канцеларии за брзи кредити, создавајќи опасен круг на долгови и зависност.

Муцунски: Македонија нема да преговара со Бугарија за националниот идентитет, историјата и јазикот! – Тоа се нашите „црвени линии“!

„Македонија има црвени линии и нема да преговара за прашања, поврзани со националниот идентитет, историја и јазик!“ – изјави шефот на македонската дипломатија Тимчо Муцунски во интервју за „Еуроњуз“. Тој истакна дека историските расправи треба да им се остават на академиците, а политичарите да се насочат кон иднината и кон европската интеграција.

Престанете да пишувате белешки и преземете ја контролата: Како состаноците од еден час да ги претворите во записи од 30 секунди

Сите сме се нашле барем еднаш во ситуација да гледаме во екранот или во тетратката додека состанокот полека влегува во својот втор час.

Мицкоски за одлуката на ОЈОГОКК за прекин на постапката за мазутот: Очекувам преразгледување на случајот, а јавноста знае каков обвинител е Ислам Абази!

„Вчера најпрвин со неверување ја слушнав таа вест. Бев бев шокиран од тоа што го слушнав. Добро е што АД ЕСМ ќе вложи жалба, кога ќе ја добие одлуката и очекувам дека случајот повторно ќе биде вратен на преразгледување и на повторна анализа. Зашто, ако тоа не се случи тоа, тогаш обвинителството ја губи конечно својата доверливост!Јавноста знае каков обвинител е Ислам Абази.“ –  истакна денеска премиерот Христијан Мицкоски, одговарајќи на новинарско прашање околу тоа што Обвинителството ја прекина истрагата за набавка на мазут – случај во кој беа обвинети Васко Ковачевски од СДСМ, Ратко Капушевски, Асмир Јахоски и уште 11 лица.
Сите вести од Македонија

Најнови вести

To top