Македонија

Ѓорѓиевски по средбата со Рокас: Преку заедничката соработка со ЕУ ќе создадеме современо, отворено и европско Скопје

Градоначалникот на Скопје Орце Ѓорѓиевски објави на фејсбук по вчерашната средба со амбасадорот на Европската унија во Македонија Михалис Рокас дека очекува од координираните активности со ЕУ нова енергија, идеи и партнерства, кои можат да ја придвижат македонската метропола напред.

1 минута за читање

„Денес во просториите на Град Скопје остварив исклучително значајна и конструктивна средба со амбасадорот на Европската Унија Михалис Рокас, како и првиот советник и раководител на Секторот за економски прашања во Делегацијата на ЕУ Марија Канелопулу.“ – објави на својот официјален фејсбук-профил Орце Ѓорѓиевски.

Во објавата на општествената мрежа натаму тој истакнува: Ова беше нашата прва средба по моето преземање на функцијата градоначалник на Скопје, на која разговаравме за клучните можности и идни насоки на заедничка соработка. Ваквите средби се од голема важност за Скопје. 

Убеден сум дека заедничката соработка со ЕУ ќе продолжи уште поинтензивно и дека преку координирани активности ќе создадеме современо, отворено и европско Скопје, какво што заслужуваат скопјани. – порача преку фејсбук првиот човек на Градот Скопје Орце Ѓорѓиевски.

Поврзани теми:

актуелно|еу|градоначалник на Скопје Орце Ѓорѓиевски

Повеќе на оваа тема:

Најнови вести од: Македонија

Скандалозно писание на Буџови: „Илинденското“ востание ги штитеше бугарските интереси и беше во спротивност со проектот за создавање обединета Албанија?!

„Илинденското’ востание ги штитеше бугарските интереси. Тоа беше во спротивност со интересите на албанското национално движење и барањата на ‘Албанската Призренска лига’ и ‘Лигата од Пеќ’ за создавање обединета Албанија.“ – ова го наведува косовскиот историчар Јусуф Буџови во неговото противмакедонско писание во вид на некаква колумна. Toa беше објавено „пригодно“ нималку случајно токму вчера, на 2 август, на денот кога македонскиот народ го слави Илинденското востание, еден од најголемите државотворни празници во својата национална и политичка историја. Овие скандалозни наводи на Буџови се не само негов обид да се понижат македонскиот народ и македонската револуционерна борба за слобода, туку и намера да се прикажат како бугарски македонската историја и Илинденското востание – ставови на иста линија како и ставовите на официјална Софија.

„Газдарицата“ на „Камените кукли“ С.Д. (41) од Кратово физички нападнала вчера повеќе посетители на јавната археолошка месност!

Од кумановската полиција информираат дека вчера во 19:30 часот полициските службеници од ОВР Кратово ја лишиле од слобода С.Д. (41) од Кратово, постапувајќи по претходна пријава дека на 2 август околу 18 часот на локалитетот „Куклица“ физички нападнала повеќе лица, кои биле посетители.

Муцунски: Работиме на трајно решение за деблокада на евроинтеграциите, но не по секоја цена!

Министерот за надворешни работи на Република Македонија Тимчо Муцунски во интервју за Македонската информативна агенција – МИА вели дека се работи на трајно и одржливо решение што ќе го одблокира европскиот пат на Македонија, но не откривајќи повеќе детали.
Сите вести од Македонија

Најнови вести

To top