Бизнис

Стојаноска: Предлог-буџетот за 2026 е инвестиција во иднината и поддршка за граѓаните

Стојаноска нагласи дека средствата за пензии се зголемуваат за 10,7%, односно за 10,3 милијарди денари

Пратеничката Дафина Стојаноска од ВМРО–ДПМНЕ оцени дека предложениот Буџет за 2026 година претставува јасен чекор кон фискална консолидација, стабилност и економски раст, истовремено обезбедувајќи конкретни придобивки за граѓаните. Според неа, документот е балансирана комбинација на одговорна финансиска политика и насочени инвестиции во клучни сектори.

Стојаноска нагласи дека средствата за пензии се зголемуваат за 10,7%, односно за 10,3 милијарди денари, со што се обезбедува директна поддршка на пензионерите во услови на зголемени трошоци за живот. Паралелно, вкупниот буџет за социјална заштита е зголемен за 7,8% и опфаќа поддршка за невработени лица, деца и други ранливи категории.

Во делот на здравствената политика, буџетот предвидува раст од 1,5%, што значи дополнителни 884 милиони денари за унапредување на јавното здравство, медицинската опрема и услугите за пациентите. Предвидени се и 316 милиони денари за модернизација и реновирање на здравствената инфраструктура.

Образованието, како што истакна Стојаноска, добива 3,4% повеќе средства со фокус на средното и високото образование, подобрување на ученичкиот и студентскиот стандард, како и изградба и реконструкција на училишта, спортски сали и студентски домови.

Буџетот ги засилува и мерките за економски развој и вработување, со зголемување од 2,5% на активните политики за вработување и поддршка за мали и средни претпријатија преку повеќе програми.

Една од најзначајните ставки е инфраструктурата, за што се предвидуваат 12,3 милијарди денари наменети за патишта, железница, јавен превоз и проекти поврзани со намалување на загадувањето, управување со отпад и заштита на водните ресурси.

Децентрализацијата, како важен сегмент, добива дополнителна тежина со зголемување од 6,1% на блок-дотациите за општините, што ќе им овозможи подобрување на локалните услуги и инфраструктурата.

Според Стојаноска, со намалувањето на буџетскиот дефицит за 5,1% и очекуваниот економски раст од 3,8% во 2026 година, државата прави значаен исчекор кон макроекономска стабилност и одржлив развој.

„Ова е финансиски документ кој верувам дека ќе добие широка поддршка во Собранието, бидејќи претставува вистинска инвестиција во иднината и е директно насочен кон секој граѓанин,“ истакна Стојаноска.

Најнови вести од: Бизнис

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Басани од Светска банка: Народна банка е силна институција што придонесува за стабилен и отпорен банкарски сектор

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите.

“Комерцијална” влегува во трка за купување на „Алта банка“

Првата јавна берзанска аукција е закажана за 30 ноември, со почетна цена од 3.777 денари по акција. Доколку акциите не се продадат, предвидени се дополнителни аукции на 1, 2, 3, 4 и 7 декември, при што почетната цена на секоја следна аукција ќе се намалува за 10 проценти во однос на претходната

To top