Македонија

ВМРО-ДПМНЕ на конгресот ќе усвои „Стратегија Македонија 2030“ под слоганот „Визија што гради држава“

ВМРО ДПМНЕ како партија повеќе нема долгови. Новите партиски структури ќе се градат до пролетта 2026 година.

2 минути за читање

ВМРО-ДПМНЕ в сабота во Кавадарци ќе го одржи 18. партиски Конгрес, на којшто ќе се избeрe претседател на партијата. Ќе се усвои конгресен документ „Стратегија Македонија 2030“ под слоганот „Визија што гради држава“. Документот ќе открие врз кои столбови ќе се темели политиката на партијата. „За првпат ВМРО-ДПМНЕ нема долгови како партија, немаме изложеност пред банки, за разлика од 2018 година кога не беше розово.“ – рече лидерот на ВМРО ДПМНЕ и претседател на Владата на Република Македонија Христијан Мицкоски.

Тој е единствен кандидат за избор како нов лидер. Мицкоски најави дека ова ќе биде негов последен мандат во партијата и потврди дека нема иницијатива за промена на партискиот статут, со која би се овозможило еден кандидат да биде избран повеќе од трипати за лидер. Тој очекува ова да биде најмасовниот конгрес на партијата досега. Се очекува да присуствуваат од 850 до 860 делегати и околу 1.800 гости. „Очекувам успешен конгрес, по кој ќе бидат појасни постапките во годините што следат.“ – посочи Мицкоски на денешната средба со новинарите.

Тој најави дека до крајот на годинава ќе го објави неговиот предлог за нов состав на Извршниот комитет на партијата. Целото партиско структирирање се очекува да заврши до крајот на март, или на почетокот на април 2026 година. Мицкоски најави реконструкција на Владата на Република Македонија во април-мај 2026 година. „ Со тие луѓе ќе се подготвуваме за следните парламентарни избори, кои би требало да се одржат пролетта 2028 година.“ – укажа Мицкоски, додавајќи дека се разгледува и можноста партијата да нема потпретседатели.

На Конгресот ќе биде усвоен и извештај за материјално-финансиско работење на партијата. Партискиот имот е замрзнат од 2017 година како дел од судски спорови.

Плусинфо

Поврзани теми:

топ|актуелно|ВМРО-ДПМНЕ|Конгрес|„Стратегија Македонија 2030“|Слоган „Визија што гради држава“

Повеќе на оваа тема:

Најнови вести од: Македонија

(Фото): Еднаква поддршка за сите – урбаните општини имаат целосен пристап до услугите на Ресурсниот центар

Општина Карпош, преку потпрограмата АА за инфраструктурни инвестиции во општините, во рамки на двата јавни повика доби средства во вкупна вредност од 694.970.635 денари, наменети за финансирање на 24 проекти. Овие проекти опфаќаат интервенции во локалната инфраструктура, изградба и реконструкција на спортски сали и градинки – инвестиции кои директно го подобруваат квалитетот на живот за жителите на општината.

(Фото): Ресторан на нива, одморалиште без дозвола, градинка без пат – ревизијата утврди серија пропусти во Свети Николе

Утврдени слабости во евидентирањето на имотот, неевидентирано земјиште, несоодветно книжење на инвестициите по нивното завршување, непостоење материјална евиденција при прием и издавање материјали, како и слабости во спроведувањето на пописот на средствата и обврските. Државниот завод за ревизија даде препораки за надминување на утврдените состојби и преземање мерки од страна на надлежните институции и одговорните лица.

Си-Eн-Eн за Македонија: Прекрасната земја на југот од Европа со слоевита историја од византиската и османлиската до југословенската ера

„Земјата со 2 милиони жители, што е малку поголема од Вермонт, сè уште не ги доживеала толпите туристи што го задушуваат поголемиот дел од Јужна Европа секое лето. Оние, кои се вклучени во туристичката индустрија, се претпазливи во привлекувањето на таков вид масовен туризам, што би можело негативно да влијае на квалитетот на животот на жителите. Но, тие знаат дека земјата има многу да понуди и оти туристичкиот сектор сè уште има простор за раст. Опкружена со гребени и врвови, кои нудат пејзажи, што го опфаќаат целиот спектар на четири годишни времиња – од зелени падини до снежни карпи – С.Македонија нуди можност за избирање на патот, по кој поретко се оди како дестинација во Јужна Европа.“ –  ова е почетокот на репортажата на американската глобална телевизија „Си-ен-ен“ за Република Македонија, објавена вчера.

Ѓурѓај по повод 70-иот број на весникот „Илинден“: Ќе продолжиме со темите за подобрување на животот на Македонците надвор од Македонија

Излезе од печат јубилејниот 70-ти број на весникот „Илинден“ кој наидува на голем интерес кај македонската читателска публика во Албанија, во Македонија, но и меѓу македонското иселеништво во светот.

Манасиевски: Љупчо Николовски набавил поскапо жито за стоковите резерви за 1,3 милиони евра, откако претходно Заев и Филипче му го отпишаа кусокот

Љупчо Николовски набавил поскапо жито за стоковите резерви за 1,3 милиони евра, откако претходно Заев и Филипче му го отпишаа кусокот, обвини Валентин Манасиевски, член на ЦК на ВМРО-ДПМНЕ.
Сите вести од Македонија

Најнови вести

To top