Бугарскиот претседател Румен Радев ѝ испрати порака на Македонија дека со впишување на Бугарите во Уставот значително ќе си го забрза присоединувањето кон Европската унија.
„Вклучувањето на Бугарите во Уставот на РСМ значително ќе го забрза патот на земјата кон ЕУ и се надевам дека нашиот југозападен сосед ќе го стори тоа што е можно поскоро за да си ги отвори вратите за преговори за полноправно членство“, изјави тој на приемот за претставниците на организациите на Бугари од Македонија.
„Сите се надеваме дека интеграцијата на РСМ ќе се случи што е можно поскоро, но тоа не може да биде на сметка на правата на бугарската заедница во земјата“, нагласи Радев, изразувајќи надеж дека вмакедонските власти ќе го спроведат „европскиот компромис“ од 2022 година.
Претставниците на бугарските организации од Скопје, Битола, Охрид, Прилеп, Кавадарци и Кочани, пак, пред шефот на бугарската држава категорично се изјаснија против уставни измени со одложено дејство, бидејќи станувало збор за гарантирање на основните човекови права.