Екс министерот за надворешни работи и екс вицепремиер за европски интеграции Бујар Османи кој е најсериозен кандидат за наследник на Али Ахмети на чело на ДУИ завчера ја имаше најматната објава на фотографија во неговата кариера.
Политичарот кој е познат по тоа што има најдобри видеа и фотографии на неговите социјални медиуми и кој фрлаше огромна енергија и средства на добар ПР завчера објави матна фотографија на која е заедно со лидерот на ДУИ Али Ахмети и лидерот на фракцијата на Алијансата за Албанците Зијадин Села.
,,🇺🇸 На приемот организиран од Амбасадата на Соединетите Американски Држави во Скопје, по повод Денот на независноста на Соединетите Американски Држави, нашиот најголем стратешки партнер и наш незаменлив сојузник”, стои во објавата на Фејсбук на која едвај се препознаваат ликовите на четворицата сликани.
Зошто Османи го спуштил нивото на квалитетни фотографии и објавил фотографија на која неговиот и ликовите на Ахмети и Села засега е нејасно.
Посебна приказна од фотографијата се тажните ликови на сликаните луѓе кои од непознати причини не делуваат највесели на празникот на стратешкиот партнер САД.