Македонија

Македонска делегација запали вечен пламен во , ,Ваш Јадем” и разговараше за високи технологии

Благодарност за спасителите на жртви од Кочани и дебата за високо-технолошки практики за земјоделие и одгледување на земјоделски култури во многу специфични климатски услови

Собраниска делегација деновиве се наоѓа во посета на Израел.

На покана од претседателот на Групата за пријателство Израел-Македонија, Хамад Амар, Делегација на Пратеничката група на Собранието за соработка со Парламентот/Кнесетот на Државата Израел е во возвратна посета на Израел во периодот од 18 до 22 јануари 2026 година.

Делегацијата ја предводи пратеничката Рашела Мизрахи, претседателка на Групата за соработка, а во нејзиниот состав се и пратениците: Весна Бендевска, потпретседателка на Собранието, Љупчо Пренџов и Муса Џафери, членови на Групата и Никола Мицевски, координатор на Пратеничката група на ВМРО-ДПМНЕ.

,,За време на нашата официјална посета на Израел, имаме чест да го посетиме Меморијалната центар “Јад Вашем” во Ерусалим, каде го запаливме вечниот пламен и положивме венец во спомен на жртвите од Холокаустот.
Со ова симболично дело им оддаваме длабока почит на милионите невини животи и ја потврдуваме нашата посветеност во спротивставувањето на антисемитизмот и секоја форма на омраза и нетолеранција.
Воедно, испраќаме јасна порака за зајакнување на пријателските односи и соработката меѓу Република Македонија и Државата Израел. 🇲🇰🤝🇮🇱”, објави Мизрахи .

Програмата започна со посета на Светскиот центар за сеќавање на Холокаустот-Јад Вашем, при што Делегацијата учествуваше во церемонијата на полагање на венец, со што се оддаде почит на жртвите од Холокаустот.

На Тркалезната маса организирана од Американско-Еврејскиот комитет (AJC), Делегацијата имаше можност да учествува во дискусијата со директорката на Комитетот, Авитал Лејбович. Комитетот е основан во 1906 година во Њујорк како одговор на растечкиот антисемитизам и дискриминација, со цел заштита на граѓанските и верските права на Евреите и промоција на демократијата и човековите права. Денес, Центарот е глобална организација посветена на борбата против антисемитизмот, поддршка на Израел и јакнење на меѓународната соработка и толеранција. Како предавачи кои изнесоа видувања за актуената ситуација на Блискиот исток и Иран беа поканети д-р Ефрем Инбар, претседател на Одделот за стратегија, дипломатија и безбедност на колеџот Шалем и поранешен претседател на Ерусалимскиот институт за стратегија и безбедност и Даниела Цитринович, виш истражувач во Програмата за Иран и Шиитската оска во Институтот за студии за национална безбедност.

Директорката Лејбович информираше дека по трагичните настани на 7 октомври 2025 година, AJC ја активираше својата глобална мрежа и формираше Центар за нов Блиски исток, со цел да придонесе за посветла и поврзана иднина во регионот. Центарот се фокусира на три клучни сектори: дипломатија, бизнис и граѓанско општество, користејќи ја мрежата на 15 меѓународни канцеларии, вклучувајќи Јерусалим и Абу Даби, за градење мостови, обликување политики и поттикнување на просперитетен и интегриран Блиски Исток.

Програмата опфати и посета на Болницата Шиба во Тел Авив, при што Делегацијата оствари средба со групата доктори и медицинскиот персонал кои од страна на Израелската Влада и Министерството за здравство кои беа веднаш испратени за ургентна медицинска помош на настраданите македонски граѓани во трагичниот пожар во дискотеката “Пулс” во Кочани во март о.г., во која згаснаа животите на 63 млади луѓе. За оваа брза реакција на Владата на Државата Израел, односно на Министерството за здравство, но и Израелски бизнисмени и филантропи, да ги согледа димензиите на трагедијата и да одговори со ургентна стручна медицинска помош за настраданите граѓани, посветеноста и исклучителната пожртвуваност на докторите и целиот медицински тим, Делегацијата на Собранието изрази соодветна благодарност со врачување на пригодни подароци на докторите и медицинскиот персонал. Подароците за Болницата Шиба и за Министерството за здравство беа врачени во име на Претседателот на Собранието, Африм Гаши и во име на сите пратеници во Собранието, со што се изрази соодветна благодарност кон Израелската држава за драгоцената помош што беше пружена по повод оваа незапаметена трагедија која ја потресе нашата држава. Претедателката на Групата Рашела Мизрахи и сите членови на делегацијата ги врачија подароците на докторите и медицинскиот персонал за време на средбите во здравствените институции. Гестот беше прифатен со огромна благодарност од страна на докторите и медицинскиот персонал, но и од страна на домаќините во Кнесетот.

Во Вулкани институтот (Истражувачки Центар за земјоделие) на Делегацијата и беше презентирана работата на овие институции на полето на употреба на високо-технолошки практики за земјоделие и одлгедување на земјоделски култури во многу специфични климатски услови кои драстично се менуваат (од медитеранска клима на северот до суша на југот). Обемните земјоделски истражувања, особено од институции како Институтот Волкани, доведоа до сорти на култури отпорни на суша, видови отпорни на сол и иновативни техники на одгледување, преку развивање софистицирани, технолошки интензивни земјоделски методи прилагодени на неговата специфична клима.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top