Бизнис

(Фото): Само во 2025. извозот на македонски производи преку „Лидл“ достигна 15,5 милиони евра

Свежото овошје и зеленчук се потврдија како еден од клучните извозни адути. Од вкупниот извоз преку Лидл, околу 5 милиони евра се однесуваат токму на оваа категорија. Извезени се 15 различни видови земјоделски култури од повеќе од десет домашни добавувачи, а најзастапени биле грозје, зелка, пиперка, моркови и домати. Овие производи имале добар пласман во Бугарија, Германија, Романија, Полска, Словачка, Србија и Чешка.

Извозот на македонски производи преку продажната мрежа на Лидл во 2025 година достигна 15,5 милиони евра, што претставува значителен раст во однос на претходните години. За споредба, во 2024 година извозот изнесувал 5 милиони евра, а во 2023 година само 570 илјади евра, што јасно го покажува растечкиот извозен потенцијал на домашните производи.

Најголем интерес на странските пазари имало за трпезното грозје, од кое се остварени приходи од 3,3 милиони евра, при што најголем пласман е реализиран во Полска. Значајни резултати се постигнати и со извозот на јагнешко месо во Бугарија, кој донел прилив од 2,2 милиони евра.

Свежото овошје и зеленчук се потврдија како еден од клучните извозни адути. Од вкупниот извоз преку Лидл, околу 5 милиони евра се однесуваат токму на оваа категорија. Извезени се 15 различни видови земјоделски култури од повеќе од десет домашни добавувачи, а најзастапени биле грозје, зелка, пиперка, моркови и домати. Овие производи имале добар пласман во Бугарија, Германија, Романија, Полска, Словачка, Србија и Чешка.

Во рамки на редовниот извоз, кој изнесувал околу 7 милиони евра, доминирале конзервираните производи со 5,8 милиони евра, по што следуваат кондиторските и млечните производи, како и виното и пијалаците.

Комерцијалниот директор на Лидл Македонија, Стефан Георгиев, истакна дека компанијата гледа голем потенцијал во македонските производи и дека Лидл се позиционира како мост меѓу домашните производители и европските пазари, преку поддршка во сертификација, зголемување на производствените капацитети и унапредување на квалитетот.

Дополнително, преку иницијативата „Македонска недела“, Лидл во изминатите две години организираше 22 промоции во Бугарија, Словенија, Србија и Хрватска, со понуда на над 70 македонски производи од 17 добавувачи, со што домашните брендови стануваат повидливи и препознатливи за странските потрошувачи.

Со отворањето на маркети низ целата земја, Лидл најавува уште посилна соработка со домашните производители и дополнителен поттик за извозот на македонските производи.

Најнови вести од: Бизнис

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Басани од Светска банка: Народна банка е силна институција што придонесува за стабилен и отпорен банкарски сектор

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите.

“Комерцијална” влегува во трка за купување на „Алта банка“

Првата јавна берзанска аукција е закажана за 30 ноември, со почетна цена од 3.777 денари по акција. Доколку акциите не се продадат, предвидени се дополнителни аукции на 1, 2, 3, 4 и 7 декември, при што почетната цена на секоја следна аукција ќе се намалува за 10 проценти во однос на претходната

To top