Македонија

Камерите на „Безбеден град“ се инсталираат во Охрид и во Струга

Камерите кои ќе ловат прекршоци, вкупно 40 на број се инсталираат на патот кон Охрид. Ќе бидат поставени и во градот и во Струга.

1 минута за читање

Системот „Безбеден град“ со инфраструктурата делумно е поставен и тоа четири камери се инсталирани на делницата од автопатот Охрид-Кичево, како и кај Ботун и Ново Села во Дебрца. Овие новоинсталирани камери засега не испраќаат казни, туку се во фаза на техничко тестирање и контрола на целокупната опрема.

Од СВР Охрид споделија дека целта е да се намалат сообраќајните прекршоци и несреќите, особено во периоди на најголем сообраќаен метеж и најголема опасност од невнимателно возење, непрописно паркирање и пребрзо возење на автопатите и влезовите во туристичките области.

Пред почетокот на туристичката сезона и овој дел од Република Македонија ќе биде под окото на камерите. Проектот „Безбеден град“ веќе функционира во Скопје, Куманово и Тетово. Најавено е дека системот ќе се прошири низ целата земја, со постепено зголемување на опфатот според локацијата и видот на кривичното дело.

Поврзани теми:

актуелно|„Безбеден град“ и во Охрид и Струга

Најнови вести од: Македонија

Нови закони за високо образование: Модуларност, стручни студии и построги критериуми за професори

Овие предлог-закони, изработени со учество на националното координативно тело составено од над 60 професори (кои работеле волонтерски), веќе се ставени на јавна расправа преку Единствениот национален електронски регистар (ЕНЕР), каде што засегнатите страни можат да даваат сугестии.

Дали безалкохолното пиво „ќе покаже“ на алкометарот доколку ве запре полиција

Иако овие пијалаци содржат само минимални траги од алкохол (обично до 0,5 %), кај дел од луѓето останува прашањето: дали можат да влијаат на резултатот од алкотестот и да предизвикаат проблеми при сообраќајна контрола?

Тешко повредена жена по разорна експлозија и пожар во куќа во охридско Велгошти

Денес претпладнево избувнала експлозија, а потоа и пожар, во куќа во охридското село Велгошти при што, Е.Т.Ѓ. (44) од истото село се здобила со тешки телесни повреди, констатирани во Општата болница во Охрид. Интервенирала Територијалната противпожарна единица од Охрид.

Вечерва стартуваат 25. Зимски олимписки игри во Италија! – Јана Атанасовска, Виктор Петков, Ставре Јада и Ана Цветановска во тимот на Македонија!

Со церемонии што ќе се одржат на четири локации, во Милано, Кортина д’Ампецо, Предацо и Ливињо, вечерва во Италија во 20 часот официјално ќе бидат отворени 25. Зимски олимписки игри (ЗОИ) Милано – Кортина 2026. На ЗОИ 2026 ќе настапат околу 2.900 спортисти од над 90 земји, а четиричлениот македонски олимписки тим го сочинуваат скијачите Јана Атанасовска и Виктор Петков, како и нордијците Ставре Јада и Ана Цветановска.

Само вчера фатени уште 11 лица, кои возеле без возачка дозвола! – Возилата им се одземени!

Некои воопшто немале дозволи, некои имале активна забрана на дозволите, а двајца од нив се малолетници, кои возеле без возачка дозвола. По целосно документирање на настаните, против лицата ќе бидат поднесени соодветни пријави.

Уште еден протестант се извини на „цела Влада“, на „цела Македонија“: Не знаев што зборувам од стрес, згрешив!

На протестите против проектот „Безбеден град“ неколку граѓани јавно упатуваа закани за физичко насилство и убиства. Сега тие еден по еден во последниве неколку дена во свои снимени видеа „се извинуваат на владата, на министрите, на државата и на целата јавност“. Тие „објаснуваат“ дека во тие моменти „се наоѓале во стрес, во афект, нервоза и страв“. А сега пре целата јавност „изразуваат каење за своите постапки“ и на сите „им упатуваат извинување“!
Сите вести од Македонија

Најнови вести

To top