Бизнис

Можно намалување на акцизите за гориво или даноците за да се спречи удар врз стандардот на граѓаните

Се разгледуваат мерки за справување со можните економски предизвици

1 минута за читање

Премиерот Христијан Мицкоски  вели дека безбедносната состојба во земјава е стабилна, но, рече дека може да се јават одредени предизвици на економски план, во однос на цените на енергенсите посебно на нафтата.

– Мирна и стабилна е безбедносната состојба, не постои ризик за земјава. Имавме Совет за безбедност, направивме анализа, врз основа на информациите кои ги добивме, безбедносната состојба е стабилна- рече Мицкоски.

Според него,војната на Блискиот Исток може да предизвика проблеми кај цената на енергенсите, посебно нафтата.

-Можеби со тек на време ќе имаме одредени економски предизвици, односно притисок врз цената на енергенсите, на нафтата и на гасот, повеќе на нафтата, бидејќи немаме голема зависност во делот на гасот. Завршува грејната сезона, а компаниите немаат голема потрошувачка на гас. Но, во нафтената индустрија можеби ќе имаме одредени притисоци. Можно е да има зголемување на цените, но разговараме со Министерството за финансии  како да реагираме. Можеби со намалување на акцизите или во однос на даноците за да го намалиме ударот врз стандардот на граѓаните – изјави Мицкоски.

Мицкоски рече дека владата се организира да обезбеди нормално функционирање на државата.

Поврзани теми:

Христијан Мицкоски|топ|влада|нафта|даноци|акцизи

Повеќе на оваа тема:

Најнови вести од: Бизнис

Ќе добиеме ли конечно пруга од Скопје до Софија?!

Македонија и Бугарија ја потврдија посветеноста за изградба на железничка врска од Скопје до Софија, преку Коридорот 8 до 2030 година. Оваа сериозна инвестиција е важна како за двете држави, така и за сите земји кои ќе циркулираат преку оваа железничка делница.

Поддршка за стабилна економска средина и поголема конкурентност на компаниите ориентирани кон извоз

Гувернерот Славески ја истакна важноста од постојаната и отворена соработка на Народната банка со домашните и странските компании коишто работат во земјава, имајќи ги предвид перспективите во економијата, придонесот кон поголем извоз и подобрениот трговски биланс на државата.

„ОНЕ Македонија“ и „Ериксон“ со договор за развој на најсовремена 5G самостојна мрежа

Договорот ја опфаќа испораката на опрема за Радио-пристапна мрежа (RAN) и за Основната мрежа (Core), вклучувајќи го и целиот релевантен софтвер, услуги за имплементација и долгорочна техничка поддршка

Нè чека нова криза, ако конфликтот на Блискиот исток не заврши брзо, алармираат економистите

Во случај на прогласување на кризна состојба на владата и стојат на располагање повеќе механизми. Агенцијата за нафтени резерви има законска обврска да обезбеди количини за непречено работење на економијата за 60 до 90 дена. Министерството за финансии може да ја намали акцизата за горивата до 4 денари или ДДВ-то за увоз на енергенси од 18 на 10 отсто. А можат да се носат и мерки како за заштита на граѓаните од високите цени, така и за погодените бизниси.

(Видео): Континуитет на политиката на стабилен девизен курс и одржување на макроекономската стабилност

Каналите преку коишто може да се пренесе растот на светските цени на енергентите и кај нас се директни и индиректни. Директните се однесуваат на пренесувањето на овој раст директно врз домашните цени, како и врз вкупниот увоз. Индиректните ефекти би ги почувствувале преку промените на економските изгледи на нашите трговски партнери, односно земјите од Европската Унија. Досегашните оцени за последиците од конфликтот за европската економија посочуваат на ограничени ефекти врз инфлацијата и растот или, со други зборови, нема очекувања за некои големи промени во надворешното окружување за домашната економија гледано низ оваа перспектива.

Николоски: Градежништвото повторно со двоцифрен раст

Раст од 14,6% бележиме во време кога ги градиме капиталните проекти, автопатите, железницата, регионалните и локални патишта и голем број комунални проекти. Двоцифрена стапка на раст од 14,6% во Градежниот сектор има во четвртиот квартал од 2025 година што само ја потврдува нашата силна заложба и посветеност во реализација на капиталните проекти.

Десеткратно поголеми казни за трговците ако продолжат да не го почитуваат законот, најави Владата

По седницата на Економско-социјалниот совет, што се одржа завчера, Дурмиши соопшти дека просечната потрошувачка кошничка што ја изработи Владата е за 13 проценти поевтина од потрошувачката кошничка што ја изработува Сојузот на синдикатите на Македонија. Доколку биде прифатена, се очекува да биде во примена од крајот на месецот. Со неа се опфатени 101 производ и, според Дурмиши, таа е реална, односно ги отсликува минималните трошоци на едно семејство.
Сите вести од Бизнис

Најнови вести

To top