Македонија

Пожарот кај Смилковско Езеро бил подметнат!

На местото на пожарот биле пронајдени остатоци од ракавици и изгорена гума

1 минута за читање

Постојат основани сомневања дека пожарот кој изби синоќа кај Смилковското езеро бил подметнат.

Градоначалникот на Општина Гази Баба Бобан Стефковски, кој беше на местото на пожарот, изјави дека била опфатена широка територија и беа преземени мерки пожарот да не се рашири кон населените места и кон комплексот фабрики во Железара.

Стефковски на социјалните мрежи сподели дека постојан сомневања оти пожарот е подметнат. И градоначалникот на Бутел Дарко Костовски на Фејсбук објави дека пожарот е подметнат и дека има многу очевидци кои дале изјави во МВР.

И министерот за внатрешни работи Панче Тошковски синоќа по состанокот на Kризниот штаб во Владата, кажа дека сите вчерашни пожари биле ставени под контрола, но и дека има докази дека се намерно подметнати и распламтени.
Тој рече дека нема да ја загрозува предистрагата и да открива детали, но станало пресимптоматично што како се гасел еден, веднаш стартувал друг, па трет итн.

Центарoт за управување со кризи (ЦУК) соопшти дека до 18 часот, на територијата на државата се евидентирани вкупно 25 пожари на отворен простор, од кои 21 се активни, а 4 се изгаснати. Од ЦУК велат дека ангажирани се припадници од Армијата, кои активно учествуваат во гаснењето на повеќе позиции.

Поврзани теми:

пожар|Смилковско езеро|подметнат|ракавици|гуми|топ

Повеќе на оваа тема:

Најнови вести од: Македонија

Секој збор може да е казнет – од полноќ почнува изборниот молк за вториот круг

Вечерва на полноќ почнува изборниот молк за политичката кампања за Локалните избори 2025. Молкот, кој почнува вечерва во 0:01 часот, ќе трае до 19:00 часот на 2 ноември, односно денот на изборите во моментот на затворање на гласачките места. За време на молкот медиумите смеат да известуваат за изборите, како и за текот на гласањето, но смеат да објавуваат предизборно рекламирање на кандидатите и нивните партии.

Сиљановска-Давкова: Во мировните преговори со само 7% учество лани жените имаат симболична улога

Родовата еднаквост и зајакнувањето на жените се предуслов за превенција и решавање на конфликтите. Потребно е почитување на основните вредности и принципи преку кои ќе се покаже дека родовата еднаквост не е феминистичка привилегија туку хуманистички императив. Ова беа дел од пораките кои беа испратени на одбележувањето на 25-годишнината од усвојување на Резолуцијата 1325 на Обединетите нации – Жени, мир и безбедност”.

Мециновиќ пред изборникот молк: Од недела повеќе ништо нема да биде исто

Говорејќи за кампањата, Мециновиќ обвини дека на овие избори се случил, како што рече, преседан односно дека јавно бил обелоденет неговиот матичен број, што е кривично дело за кое, како што наведе, правниот тим на Левица веќе се подготвува од понеделник да поднесе тужби и кривични пријави.
Сите вести од Македонија

Најнови вести

To top