Македонија

Сиљановска-Давкова им подари галичка пафта на годинашните младенци на Галичката свадба

Претседателката Гордана Сиљановска-Давкова и годинава беше дел од „Галичка свадба”, проследувајќи ги свадбарските обичаи коишто ја отсликуваат македонската вековна народна традиција и култура, како неразделен дел од македонскиот национален идентитет.

2 минути за читање

Среќен заеднички живот, полн со љубов, разбирање и деца им посака претседателката Гордана Сиљановска-Давкова на годинашните младенци на Галичката свадба, Лилјана Михајлоска и Јован Филипоски. Претседателката на нововенчаниот пар му подари галичка пафта со мотив од мијачка носија, карактеристична за селото Галичник.

Проследувајќи ги свадбарските обичаи на Галичката свадба, Сиљановска-Давкова порача дека преку неа не само што се негуваат македонските обичаи, туку и се промовираат пред светот.

– „Нешто што е дел од нашиот идентитет, нешто што е единствено, нешто што никаде го нема, нешто што нѐ прави посебни треба да се негува. Радосна сум што мнозина млади го прифаќаат и ја продолжуваат оваа традиција“, порача шефицата на државата.
Претседателката додаде дека во Галичник мора да се вложува повеќе, за селото да биде живо во текот на целата година, а не само во деновите околу Галичката свадба.
– „Вгнезден во исклучителна природна убавина, со уникатна архитектура и древна историја, Галичник може да биде вистински магнет за сите кои сакаат на момент да избегаат од урбаниот хаос, во потрага по магијата на мирот, спокојот и неповторливата убавина на минатото“, додаде таа.
Галичката свадба децении наназад се одржува под покровителство на претседателот на државата.

Вчерашното поставување на свадбарскиот бајрак и симболичниот чин на „фрлање” пушка од куќата на зетот и годинава го означија почетокот на свадбата. По венчавањето на младенците во храмот „Св. апостоли Петар и Павле”, продолжи одржувањето на свадбените обичаи.

Вгнезден во исклучителна природна убавина, со уникатна архитектура и древна историја, Галичник може да биде вистински магнет за сите кои сакаат на момент да избегаат од урбаниот хаос, во потрага по магијата на мирот, спокојот и неповторливата убавина на минатото. Претседателката истакна дека мора да вложиме повеќе, да направиме нешта што нема да се сведат само на доаѓање кога се склучува бракот, туку нешто што ќе го направи Галичник живо во текот на целата година.

Оваа уникатна културна манифестација со децении се одржува под покровителство на претседателот на државата.

Поврзани теми:

топ|актуелно

Најнови вести од: Македонија

Дури 22,2 милони евра за наука во 2026 година – за што ќе се трошат?!

Министерството, оваа календарска година преку 3 повици за распределба на средства ја стимулираше реализацијата на научно-истражувачки проекти на јавните универзитети, факултетите и научните установи, на МАНУ и на бизнис-заедницата, кои се во корелација со целите од Стратегијата за паметна специјализација на Македонија. Проектите успешно се реализираат.

Награда „Константин Философ“ за проф. д-р Љубомир Цуцуловски

Едногласната одлука за добитникот ја донесе Комисијата за доделување на наградите, во состав: академик Витомир Митевски (претседател), проф. д-р Иван Џепароски и проф. д-р Анета Маркоска Чубриновска (членови)

Јанкуловски: СДСМ е пред смрт, поради разбојништва во минатото, грабеж, корупција, предавства и продажба на националните интереси!

„Природно беше дека ќе се соочи СДСМ со своето политичко исчезнување еден ден. Оваа политичка смрт мораше да се случи.“ – нагласува професорот д-р Звонимир Јанкуловски во својата колумна со наслов со „Хроника на една најавена политичка смрт“, која ја објави новинската агенција „Нетпрес“.

Од џихадист до гостин: Ал-Шаара во Белата куќа

Сирискиот претседател Ахмед ал-Шаара денеска ќе се сретне со американскиот претседател Доналд Трамп во Белата куќа – историска прва официјална посета на сириски лидер откако земјата стекна независност во 1946 година.
Сите вести од Македонија

Најнови вести

To top