Македонија

Манасиевски: Заев и Димитријевиќ водат „тајни операции“ за формирање опозициски фронт во Србија

Манасиевски посочи дека на средбата присуствувале Бранко Ружиќ и Јован Ратковиќ, за кој истакна дека е меѓународен секретар на српската СДС и еден од основачите на движењето „Отпор!“.

1 минута за читање

Членот на ЦК на ВМРО-ДПМНЕ, Валентин Манасиевски, денеска на прес-конференција изнесе сериозни обвинувања кон раководството на СДС, тврдејќи дека партијата е директно вклучена во политички процеси во соседна Србија. Според него, генералниот секретар на СДС, Александар Саша Димитријевиќ, остварил средба во Скопје со српски опозиционери со цел формирање на „опозициски фронт“ во Србија, под директни насоки на Зоран Заев и Зоран Башановиќ.

Манасиевски посочи дека на средбата присуствувале Бранко Ружиќ и Јован Ратковиќ, за кој истакна дека е меѓународен секретар на српската СДС и еден од основачите на движењето „Отпор!“.

„Откако не добивме демант од страна на генералниот секретар на СДС, Александар Саша Димитријевиќ за средбата која се одржала во Скопје, денес го откриваме и вториот важен играч во целата оваа игра – Јован Ратковиќ“, истакна Манасиевски.

Тој оцени дека СДС се става на услуга на политички структури во друга држава, додека истовремено се соочува со сериозен пад на рејтингот и внатрешни превирања во Македонија. Манасиевски упати остри критики кон актуелното раководство на СДС, нарекувајќи го актуелниот претседател „чирак на Заев“, додавајќи дека партијата нема да се реформира сè додека не се дистанцира од влијанието на поранешниот лидер Зоран Заев.

Поврзани теми:

Манасиевски|Александар Димитријевиќ|опозициски фронт|топ|СДСМ|Зоран Заев|Зоран Башановиќ

Повеќе на оваа тема:

Најнови вести од: Македонија

Мицкоски: Европа нема да биде силна, ако нејзините делови останат слаби! – Градиме држава што нуди сигурност, а не неизвесност

„Има моменти кога Европа мора да избере: дали ќе реагира или ќе води. Денес сме токму во таков момент. Живееме во време на преиспитување. Време кога сигурноста не се подразбира, кога енергијата станува политика, заедно со економијата се прашање на опстанок. Во такви околности, зборовите имаат помала тежина од одлуките, а декларациите вредат онолку колку што сме подготвени да ги спроведеме. Ние сме подготвени сме да работиме. Подготвени сме да донесуваме одлуки. Подготвени сме да остваруваме резултати. И затоа веруваме дека со партнерство што се темели на доверба и конкретни проекти, ќе изградиме нешто што ќе трае подолго од еден мандат, подолго од една криза, подолго од една генерација. А Европа не смее да биде само идеја. Европа мора да биде резултат.“ – истакна премиерот на Република Македонија Христијан Мицкоски на прес-конференција во Виена.

„Н.М“: Изјавата на Рама дека Албанците во РМ се „државотворен народ“ е закана за територијалниот интегритет и обид да се претвори во двонационална „албанско-македонска држава“!

„Грубо и дрско мешање во внатрешните работи на суверена Република Македонија е изјавата на албанскиот премиер Еди Рама, со која ги прогласи македонскитe Албанци како ‘државотворен народ’ во македонската држава. Според истакнати европски и светски експерти за политички науки, меѓународни односи, за уставен систем и геополитика, ‘обид за редефинирање на уставниот поредок на соседната земја и ширење на политичкото влијание надвор од границите на сопствената држава’ е кога премиер на една земја ги прогласува неговите сонародници, од иста националност, во друга земја како ‘државотворен народ’ (‘state-forming people’). Според анализите на странски политиколози и уставни експерти, ваквите изјави претставуваат и предизвик кон суверенитетот, но и на територијалниот интегритет на другата држава, во која тамошното малцинство се прогласува како ‘државотворен народ’. Во тој контекст се и заканите на лидерот на ДУИ Али Ахмети за ‘одброените денови на Македонија, ако нема заедничко совладени со Албанците“! “ – имаше објавено весникот „Нова Македонија“ во својата редакциска анализа „Падна уште една маска од колективните амбиции на Тиранската платформа“, објавена на 16 април 2026 година.
Сите вести од Македонија

Најнови вести

To top