Кирјакос Велопулос, основач и лидер на партијата Грчко решение со 11 пратеници во Парламентот во Атина и со двајца европратеници, на државната телевизија ЕРТ го искритикува Преспанскиот договор, изразувајќи го своето противење на употребата на терминот „Македонија“ од северниот сосед.
„Договорите се прават за да се променат кога се национално штетни. Спогодбата на Ципрас е национално штетна“, изјави тој.
Поранешниот член на Нова демократија, од која излезе во 2016 година и го основа Грчко решение, истовремено најави дека, кога неговата партија ќе формира влада, ќе преземе мерки против Македонија.