Поранешниот бугарски европратеник Ангел Џамбаски, кој се „прослави“ во Европскиот парламент со испружената десна рака налик на нацистичкиот поздрав, ја изнавреди Македонија за реакцијата по недипломатската изјава на новата шефица на бугарската дипломатија Велислава Петрова-Чамова, која го употреби изразот „северномакедонски партнери“.
„Тоа е апсолутна провокација. Тие не можат да си дозволат сличен тон кон другите земји, но го прават тоа кон Бугарија“, изјави Џамбаски во емисијата „Во фокусот“.
Во овој контекст потпретседателот на ВМРО-БНД на ексминистерот за одбрана Красимир Каракачанов ја опиша реакцијата од македонскиот министер за надворешни работи Тимчо Муцунски како „искомплексирана и кловновска“.
Тој го искритикува Скопје и за неисполнувањето на т.н. Француски предлог, кој ја уредува преговарачката рамка за Европската Унија.
„Три години нема вистински напредок. Ова е провокација не само кон Бугарија, туку и кон целата Европска Унија“, рече тој, одбивајќи го обвинувањето од Македонија за билатерализација на процесот на пристапување кон ЕУ. „Скопје треба да разговара со Брисел, а не со Софија. Тие ветија конкретни реформи – мора да ги спроведат“.