Македонија

Пролетна акција за реконтрукција на детските игралишта и урбаната опрема

Општина Карпош

По претходно утврдена фактичка состојба на терен, план и динамика, фирмата задолжена за реконструкција и реновирање на урбаните елементи од детските (урбани) игралишта, кои се наоѓаат на територијата на локалната самоуправа, како и реконструкција и одржување на клупите и корпите за отпадоци, Општина Карпош започна пролетна акција во која ќе ги заменува старите, оштетени и дотраени урбани елементи, онаму каде што е потребно.

На плоштадот „ПБК“ во населбата Козле, (спроти студентскиот дом “Гоце Делчев), екипите ги заменија сите оштетени седишта за лулашки и клацкалки, го прицврстија долниот дел од двете лизгалки и ја бојадисаа металната конструкција на игралиштето (лизгалки, клацкалки, тобоган).

Пред новоизградениот базен во населбата Карпош 4, веднаш до салата Наум Наумовски –Борче (Партизан), беше заменет предниот дел од оградата, заедно со влезната порта, со посоодветна ограда и порта, додека на две клупи, во предниот дел од Т.Ц „Лептокарија“, насочен кон бул. „Партизански одреди“, беа земенети дрвените оштетени кадрони со нови дванаесет парчиња на број.

Општина Карпош во континуитет вложува во одржување и модернизација на постојните детски игралишта, кои се над 50 на нејзината територија, што ја прави општина со најголем број на ваков вид на урбани игралишта во Скопје. Како свртилишта за најмладите наши жители, кои заедно со своите родители рекреираат и другаруваат на овие детски игралишта, особено во пролетните и летни месеци, упатуваме особен апел до сите граѓани, заеднички да се грижиме и да ги одржуваме во функционална состојба детските (урбани) игралишта и соодветната урбана опрема , бидејќи станува збор за места за релаксација на сите генерации карпошани, од најмлади до највозрасни.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top