Хроника

Голема трагедија: Ристе Велков и синот Адам меѓу загинатите на обиколницата

Оперскиот пејач Ристе Велков и неговиот син Адам се меѓу четирите жртви во страшната сообраќајна несреќа што се случи ноќеска на скопската обиколница.

1 минута за читање

Оперскиот пејач Ристе Велков и неговиот син Адам се меѓу четирите жртви во страшната сообраќајна несреќа што се случи ноќеска на скопската обиколница.

Според достапните информации, Ристе Велков (51) го управувал возилото „БМВ“ во кое се наоѓале уште тројца млади луѓе, меѓу кои и неговиот син Адам Велков, студент на Факултетот за информатички науки и компјутерско инженерство (ФИНКИ). Со нив бил и 20-годишниот П.М., додека идентитетот на четвртото лице е утврден во текот на истрагата.

Трагедијата се случила помеѓу надвозникот Визбегово и клучката Мирковци. Товарно возило со косовски регистарски таблички ја пробило заштитната ограда, преминало во спротивната лента и со голема брзина директно се судрило со „БМВ“-то. По силниот удар, патничкото возило се запалило и целосно изгорело.

Според неофицијалните информации, камионот удрил без кочење. Возачот на камионот, 76-годишен државјанин на Косово, е приведен и се наоѓа во полициски притвор, а истражните органи ја утврдуваат точната причина за несреќата.

Од Министерството за внатрешни работи потврдија дека во несреќата загинале возачот Р.В. (51), двајца 20-годишни сопатници и уште едно лице. Подоцна беше официјално потврдено дека меѓу загинатите се истакнатиот оперски уметник Ристе Велков и неговиот син Адам.

Поврзани теми:

обиколница|оперски пејач|Ристе Велков|актуелно|несреќа|трагедија

Повеќе на оваа тема:

Најнови вести од: Хроника

Условно осудениот Пецов – Ѓаволот си ја плати казната од 8.000 евра, а „рушветчијата“ Стафа бара условен отпуст!

Љупчо Пецов – Ѓаволот, осуден во предметот „Синџир“, ја уплатил паричната казна од 492.000 денари, односно околу 8.000 евра, информираат од Основниот кривичен суд Скопје. Пецов, кој беше осуден на условна казна затвор од две години, на 2 септември ја уплатил паричната казна, по што за тоа бил известен и Судот. Адвокатот Фехми Стафа, обвинет дека примил поткуп од 50.000 евра, за да влијае кај судија во предметот поврзан со Пецов, сè уште ја издржува затворската казна од една година и три месеци. Стафа сега бара условен отпуст!

Две и пол години затвор за вработената во МВР, што фалсификувала возачки дозволи, 1,3 години за возачите

Тројца обвинети во предметот за фалсификување возачки дозволи ја признале вината и добија затворски казни во скратена постапка. На првообвинетата, вработена во Министерството за внатрешни работи, ѝ е изречена казна затвор од две години и шест месеци. Второобвинетиот и третообвинетиот се осудени на една година и три месеци затвор. За сите тројца е продолжена мерката притвор, информираа на средба со новинарите во Основниот кривичен суд Скопје.

Тошковски: Целта не е само заплена, туку откривање на луѓето, структурите и паричните текови зад трговијата со дрога

Министерот за внатрешни работи Панче Тошковски денеска во Полициската академија во Скопје се обрати на отворањето на обуката за истраги и кривично гонење на кривични дела поврзани со дроги, во организација на Канцеларијата на Обединетите нации за дрога и криминал (UNODC), со поддршка на Амбасадата на Соединетите Американски Држави. Обуката е дел од проектот за поддршка на спроведувањето на Националната стратегија за дроги и е насочена кон унапредување на капацитетите за спроведување сложени истраги преку поврзување на криминалистичките и финансиските истраги, одземањето имот и примената на посебни истражни техники.
Сите вести од Хроника

Најнови вести

To top