Македонската Армија, по повод успешното оценување на НАТО целта на способност Лесната пешадиска баталјонска група (ЛПБГ), денес на градскиот стадион во Штип реализираше презентација на дел од воената опрема, возилата и способностите на единиците.
Началникот на генералштабот на АРМ
генералот Лафчиски кој е шеф на македонската институција со најголема доверба денеска зборуваше за начинот на кој се доаѓа до модерна македонска армија.
Генералот Лафчиски истакна дека презентацијата е организирана со цел да го препознаеме подвигот кој го постигнаа припадниците од Лесната пешадиска батаљонска група (ЛПБГ).
Тој притоа им се заблагодари на сите кои работеле во нејзината изградба и придонесоа таа да биде основа за модерната македонска Армија.
На презентацијата беше присутна и претседателката Гордана Сиљановска-Давкова.
„Добивме печат за извонредност, за квалитет, а тоа е впрочем доказ дека угледот на Армијата не е случаен. Армијата е најголемиот столб и гарант на мирот, на безбедноста и секогаш е таму каде што е најпотребно“ истакна претседателката Сиљановска – Давкова.