Хроника

Уште петмина лишени од слобода за семејно насилство во последното деноноќие

Едно лице доби кривична пријава и притвор за физички напад врз сопругата под дејство на алкохол, соопшти МВР

3 минути за читање

Извршено семејно насилство лиши од слобода нови пет лица, а едно од нив доби кривична пријава и притвор во последното деноноќие, објави Министерството за внатрешни работи, кое постапило по вкупно седум пријави.

„На 29.05.2026 во 08:40 часот во Велес, полициски службеници од СВР Велес го лишиле од слобода Л.Н.(62) постапувајќи по пријава дека физички ја нападнал и ѝ се заканувал на неговата малолетна ќерка и физички ја нападнал неговата 56-годишна сопруга. По преземени мерки и извршени проверки било констатирано дека тој бил по дејство на алкохол, односно измерени му биле 0,70 промили алкохол во крвта и бил задржан во полициска станица. Известени биле јавен обвинител и Центар за социјални работи Велес.  Против Л.Н. е поднесена кривична пријава, а  од судија на претходна постапка му е определена мерка притвор и истиот е спроведен во Казнено поправна установа Затвор Скопје за издржување на мерката.

На 29.05.2026 во 12:25 часот полициски службеници од СВР Куманово го лишиле од слобода Д.С.(40) од Куманово затоа што физички ја нападнал неговата 49 годишна  партнерка и нејзиниот син.

На 29.05.2026 во 11:20 часот полициски службеници од СВР Куманово го лишиле од слобода Н.Ц.(44) од Куманово затоа што физички ја нападнал неговата 39 годишна сопруга.

Во СВР Тетово во текот на вечерта биле регистрирани два настани поврзани со пријави против лицето В.Р.(57) од Тетово. Имено на 29.05.2026 година во 23:40 часот, неговата 78 годишна мајка пријавила „загрозување на сигурноста при семејно насилство“, бидејќи во семејниот стан лицето кршело предмети и агресивно се однесувало. По што на 30.05.2026 година во 00:17 часот, нивната сосетката пријавила, дека на 29.05.2026 година околу 18:10 часот, В.Р. заѕвонил на нејзината врата и со остар предмет и нанел повреди.  Лицето В.Р. со асистенција на полицијата и Итната медицинска помош Тетово е пренесено и хоспитализирано во соодветна здравствена установа  во Скопје.

На 29.05.2026 во 23:30 часот во СВР Скопје 39-годишна жена пријави дека на 27.05.2026 на подрачјето на Ѓорче Петров нејзиниот поранешен вонбрачен партнер Џ.Р. и упатил закани.

На 29.05.2026 во 15:20 часот во Велес, полициски службеници од СВР Велес го лишиле Д.Д.(24) од Велес, постапувајќи по пријава дека во домот физички ја нападнал неговата 25-годишна невенчана сопруга.

На 19.05.2026 година во 17:30 часот, во СВР Охрид е пријавено дека А.Н. од Охрид, во семејниот дом бил агресивен кон неговата мајка и и упатувал вербални закани по нејзиниот живот“, соопшти МВР.

Поврзани теми:

мвр|семејно насилство

Повеќе на оваа тема:

Најнови вести од: Хроника

Деветгодишно дете на електричен тротинет тешко повредено во судир со автомобил во скопски Сарај

Од Министерството за внатрешни работи информираат дека на 28 јули околу 14:30 часот во СВР Скопје било пријавено дека на крстосница од сервисна улица и регионалниот пат Скопје–Тетово се судриле патничко возило „форд“ со скопски регистарски ознаки, управувано од 67-годишниот С.С. од селото Арнакија, и електричен тротинет управуван од деветгодишно дете од истото село.

Стоматолог од Гостивар меѓу тројца осомничени за корупција за полагање стручен испит

Единицата за финансиски криминал при Секторот за криминалистички истраги во Одделот за сузбивање на организиран и сериозен криминал до ОЈО за ГОКК поднесе кривична пријава против три лица: А.Т.(27) од Битола, поради постоење основана сомнеж за сторено кривично дело „давање награда за противзаконито влијание“, С.Ч.(56) од Гостивар за „примање награда за противзаконито влијание“ и С.Е.(63) од Скопје за „примање поткуп“.

Поранешен полицаец осуден на пет години затвор за грабеж на злато во Гостивар

Кражбата се случила во октомври минатата година кога, во вечерните часови, маскирани и вооружени лица го блокирале патот пред златара и украле 18 килограми злато во вредност од 1,8 милиони евра

МВР: Граѓаните да не наседнуваат на измамнички смс-пораки, веб-страници и пораки на општествените мрежи!

Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку лажни СМС пораки, електронски пораки, веб-страници, мобилни апликации и пораки на социјалните мрежи.

Обвинителството врши обемна и финансиска истрага на „Комуналец“ од Гостивар

Истрагата за случајот со загадената вода во Гостивар се проширува. Обвинителството побарало обемна финансиска документација од повеќе институции, се дознава од извори, вклучени во истрагата.

Претседателот на Стоматолошко друштво на Албанците зел мито, за да „положи“ лекарка стручен испит!

Јавен обвинител од ОЈО ГОКК денеска донесе Наредба за спроведување истражна постапка против две лица, за кои постои основано сомнение дека првоосомничениот сторил кривично дело „Примање награда за противзаконито влијание“, додека на второосомничениот му се става на товар кривичното дело „Примање поткуп“.
Сите вести од Хроника

Најнови вести

To top