Македонија

Седумнаесет животи повеќе во првите пет месеци годинава благодарејќи на „Безбеден град“

Тошковски загрижен што од 12 загинати во сообраќајки во мај петмина се мотоциклисти, а тројца од нив возеле без кацига

Министерот за внатрешни работи Панче Тошковски го посочи системот за набљудување и регистрирање сообраќајни прекршоци со камери „Безбеден град“ како најзаслужен за намалувањето на бројот на жртви за 17 во првите пет месеци годинава во споредба со истиот период лани.

Гостувајќи во емисијата „Топ тема“ на Телма ТВ, тој истакна дека од јануари до мај 2026 година во сообраќајни несреќи загинале 39 лица, а во истиот период минатата година 56.

„Тоа се 17 човечки животи повеќе“, нагласи тој.

Според министерот, за целосните ефекти од системот ќе биде потребно повеќе време, но најави дека полицијата ќе продолжи со засилени контроли и строги санкции за возачите кои грубо ги прекршуваат сообраќајните правила.

Тој изрази и загриженост поради тоа што од вкупно 12 жртви во сообраќајот во текот на минатиот месец, пет биле мотоциклисти.

„За тројца од загинатите сум сигурен дека не носеле заштитна кацига. Апелирам до сите мотоциклисти секогаш да носат кацига. Таа не се носи заради другиот, туку заради сопствената безбедност и може да спаси живот“, истакна Тошковски.

Тошковски најави и дека наскоро ќе почне поефикасно санкционирање на прекршоците направени од возила со странски регистарски таблички.

„Камерите ги регистрираат и странските таблички. Тие се дел од системот и ќе бидат предмет на казнување. Во наредниот месец јавноста ќе ги види првите конкретни чекори во тој правец“, најави тој.

 

Најнови вести од: Македонија

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

Најнови вести

To top