По елиминацијата на первиот фаворит на стартот, Калин Ивановски успешно го помина и второто коло и се пласира во четвртфиналето на тенискиот турнир Македонија опен, кој се игра на земјените терени на Југ во Скопје, а наградниот фонд е 30.000 американски долари.
Ивановски, неделава 1148. на АТП-листата во сингл, славеше со 6-4, 6-3 над Лијам Деликата (1687.) од Малта и за место во полуфиналето утре ќе се бори со шестиот носител Александар Вајс (629.) од Италија.
Единствениот друг домашен натпреварувач што се проби во вториот круг, Обрад Марковски, благодарејќи на победата од 7-6 (2), 0-6, 6-3 над Бугаринот Максимилијан Борисов (1967.) претпладнево, утре ќе го доигра прекинатиот меч доцна попладнево со четвртиот носител Владислав Орлов (493.) од Украина при водство на противникот од 6-3, 2-2.