Грчката влада постигна договор со производителите и трговските синџири за привремено замрзнување на цените на прехранбените производи во супермаркетите, со цел да се намали притисокот од инфлацијата во текот на летната туристичка сезона.
Мерката ќе важи во текот на јули и август, кога Грција бележи најголем прилив на туристи. Според договорот, компаниите нема да ги зголемуваат цените на околу 2.000 производи во текот на летото.
Договорот беше постигнат на средба на која присуствуваше премиерот Киријакос Мицотакис, министерот за развој Такис Теодорикакос и претставници на прехранбената индустрија и големите трговски синџири.
Компаниите се обврзале да ги задржат попустите кои претходно ги воведоа (во просек намалување од шест проценти), а владата најавува нов пакет мерки по завршувањето на летната сезона за дополнително намалување на цените и справување со високите трошоци за живот.