Цените на нафтата продолжија да растат на светските берзи, при што цената на суровата нафта Брент достигна 94,664 долари за барел, што претставува зголемување од 3,99 отсто. Во исто време, американската сурова нафта WTI поскапе за 4,13 отсто и се искачи на 87,793 долари за барел.
Зголемените тензии на Блискиот Исток, ограниченото производство на земјите од ОПЕК+ и стравувањата од нарушување на транспортните рути се главните причини за новиот раст на цените на нафтата.
Нафтените пазари внимателно ја следат состојбата во Ормускиот теснец, низ кој пред војната поминуваше околу една петтина од светското снабдување со нафта. Секое подолго ограничување на пловидбата може значително да ги зголеми транспортните трошоци и цените на енергенсите.