Македонија

ЦУК: Три активни пожари на отворено во Македонија до 18 часот

На територијата на државата денеска до 18 часот се регистрирани вкупно дванаесет пожари на отворен простор, информира ЦУК

Три активни, еден под контрола и осум изгаснати пожари до 18 часот се регистрирани денес низ државата, информира Центарот за управување со кризи (ЦУК). Активен, како што посочија, е пожарот во општина Пробиштип во атарот на село Плешинци кон село Стрмош каде гори ниска вегетација, грмушки и ниска шума.

Пожар има и во атарот на село Винце, кумановско – каде гори сува трева, како и во општина Петровец, на потегот од село Горно Коњари кон село Винце каде гори сува трева, грмушки и шума.

Од ЦУК велат дека под контрола е ставен пожарот во општина Кавадарци – над депонијата во Росоман каде гореше сува трева.

„Изгаснати се пожарите во општина Могила помеѓу селата Српци и Беранци (жито), општина Велес – Бојаџиина Чешма (сува трева, трње и лозови насади), општина Струга – Генц Комерц (ниска вегетација и стрниште), општина Студеничани – с. Студеничани (ниска вегетација), општина Врапчиште – с. Неготино (сува трева), општина Струга – с. Делогожда (сува трева), општина Куманово – Споменик Костурница (сува трева и борова шума) и општина Гевгелија – на правецот од с. Миравци кон с. Петрово (сува трева)“,
информираат од ЦУК.

На територијата на државата денеска до 18 часот се регистрирани вкупно дванаесет пожари на отворен простор.

Најнови вести од: Македонија

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

To top