Претседателот Володимир Зеленски потпиша декрет со кој се воведуваат санкции врз Русите и организациите поврзани со создавањето на анимираната серија „Маша и мечката“.
Ова го објави Киев индепендент
„Санкциите беа воведени врз пет Руси и четири организации поврзани со создавањето и дистрибуцијата на анимираната серија „Маша и мечката“, која шири проруски наративи преправени како детска содржина.
Ова претставува закана за националната безбедност на Украина“, се наведува во декретот, објавен на веб-страницата на Кабинетот на претседателот на Украина.
„Сега под санкции се студиото „Анимакорд“, кое е автор на оваа анимирана серија, нејзиниот основач, генерален директор, како и сценаристот, режисерот и продуцентот, коавтор на серијата“, се вели во соопштението.